Popular Bible Verses from 2 Píele 2

Share

Nɔ́ɔnɔ gó dúfenye go goŋaá Daadáa a lɛ́ ba go dúgune besi bá batɔ naá gɛmaga a gunde a ága go boayá bahándá go go bó fáa noséésényée buisí bá go sómba bɛsɛnɛ.

Bó mba lɛ́ bese go busío bábɔ́ bá dɛ íyímé pɛ́ ya mammana, bó dómba go goŋaá bá báá go yɛ íyime bá gɔnɔ dɛ́ɛna gimmúmpúu gá gicele gɛ́ɛgɛ bá mbaá bó békínyée. Bɔ́ɔbɔ bó mbaá bó bolɛ́ná bó lɛ́ caŋa mmue aŋa ncaba yɛ́ɛyɛ yɛ oyamɔ́ mammana yɛ amɔ́: «Mbóa ɛ mba nodá, ɛ báá gundé naá dunidi dá yɛ́», incodío yɛ amɔ́: «Ŋgɔnɔ́bɛ́ na go dumbe, ɛ ná lɛ́ go gɔnɔ bɔ́dɔ́bɔnɛnɔ naá bɛcambá.»

Bá bó dánɛnana bofilíi, asáa gɔgɔ́ bɔ́ɔ moatɛ́ moatɛ bɛɔlɛ́ bá ndoŋá sɛ́ɛsɛ sɛ́ bó gɔ́gɔnɔmɔ́ gofúe gábɔ́, goakɛ́ onyɔ moánɛ a lɛ́ gɛɔlɛ́ gá bɔ́ɔbɔ bó mo mánɛganamɔ́.

Gɔ́ɔ bó lɔ́mɔ́, batɔ bóncodío bá mba pambá naá mbɔŋɔbɔŋɔ ya moóma má biílo bá cí, go goŋaá bá mba lɛncá Daadáa bɛcɔ́, Uféŋí bɛcɔ́ Yésu Kilítu. Kanɛ́ bá amɔ́ bá gɔnɔ bádɛ́ɛna bó obɛna naá gɛyágɛgɛna gá moóma má ndiemi, odɛ́nɛ́ yábɔ́ yá mesúgudinye yɔ́ɔyɔ yó lɛ́ gɛbɛ́ akɛ́báamɔ́, yó dómbana yá busío.

Cóá mbúsí sá mbele sɛ́ mba bológá naá boɛ́nɔ bá Ɛ́sɛlahɛ́ɛlɛ. Caŋa mmue tɔ́nɔ behúúnínyí bá mbele bá ŋga bológánáa naá kadɛ́gadɛ́ɛ yɛnyɔ́. Bá ŋgi íŋénényée nnyimé nnyimé mosɔ́mɔ má kanɛ go fɛa mɔ́ɔmɔ mó ŋgaá ŋaáa goŋaá buimée bó dɛ́aŋa; bá gunde bí inye Ogɔ́nɔ́ɔ mɔ́ɔnyɔ a mbaá bó sódío, nɔ́ɔnɔ gɔ́ɔ bá ŋgaá bó gɔ́gɔ́nɔ́ɔ gosola go busío buimée.