Popular Bible Verses from 1 Kɔlɛ́ntɛ 6

Share

Íyíme nɔnɔ bese no amɔ́ nnyɔ́dɔ yɛnyɔ́ ɛ lɔ́mɔ́ nnyaŋá ya Gimmúmpúu gá Giliíli, mɔ́ɔ a lɔ́mɔ́ naá bɛɛnyɔ́ɔ, Asaŋa mɔ́ɔ a mbaá nyó mo fáá, nɔ́ɔnɔ gó lɛ́ aá no do bábɛanánáa bɛɛnyɔ́ɔ moatɛ́. Asaŋa a mba soáa makɔ́nɔ́ go go nyó fáŋa. Ágá nɔnɔ kanɛ́ nnyɔ́dɔ yɛnyɔ́ go buelí bá nigúmi nɛ́hɛ́.

No do íyíménée no amɔ́ beŋií mobɛ́ bá dɛ ní íŋene naá bufuŋe bá Asaŋa o? No do bébelé, akɛ́ batɔ bá gɛɔyɔ gá hanyɔ́, akɛ́ batɔ bá go bienene bɛgɔgɔ́, akɛ́ badáŋadaŋa, akɛ́ batɔ báaba bɔ́ ɔyɔmɔ́ na basɔ́gɔ́ batɔ, akɛ́ biíbi, akɛ́ báaba bá bɔgɔnɔmɔ́ moóma má basɔ́gɔ́ɔ, akɛ́ báaba bá gúenenemú mɔgɛ́bɔ, akɛ́ báaba bá gálanamɔ́ basɔ́gɔ́ɔ modɔgɛ, akɛ́ beŋií mobɛ́, bá dɛ ní íŋene naá bufuŋe bá Asaŋa.

Báyáŋáamɔ́ nɔnɔ gɛɔyɔ gá hanyɔ́. Gɛlɔgɔ giimée gíntió gɛ́ɛgɛ mɔtɔ a lɔ́mɔ́ bá go ŋa gɛ́ dɛ bádáfáa nnyɔ́dɔ yɛhɛ́. Kanɛ́ mɔtɔ mɔ́ɔnyɔ a bienemú gɛɔyɔ gá hanyɔ́ a bɔ́lɔgɔmɔ́ mɔ́ɔ moatɛ́.

Bóntió bá gálagala bá amɔ́: «Ndɛ́ bá go ŋanana buimée aŋa ndɛ́galɛgamɔ́.» Ɛɛ́ɛŋ, kanɛ́ buimée bó do báá bese. Ndɛ́ bá go oyɛda caá: «Ndɛ́ bá go ŋanana buimée aŋa ndɛ́galɛgamɔ́,» kanɛ́ cɛ lɛ́gálɛ́gáa go ɛ́ya gɛɔlɛ́ gá boóma.

Aŋa Asaŋa a mbaá fúfúné Daadáa, a ŋga có fúfúné nɔ́ɔ caŋa mmue go bogaaga bɛ́hɛ́.