Popular Bible Verses from 1 Kɔlɛ́ntɛ 12

Share

Na onyɔ moánɛ, Giliíli a dúfenye bogaaga bɛ́hɛ́ na pááná go besé ya biimée.

Kɔ́ɔ bɛɛnyɔ́ɔ no lɛ́ nnyɔ́dɔ ya Kilítusu, onyɔ moánɛ naá bɛɛnyɔ́ɔ a lɛ́ gɛnamá gá nnyɔ́dɔ yɛ́ɛyɔ.

Aáŋa gɛnamá gímmue gɛ́ ɔ́bɛgɔnɔ, bɛnamá bɛ́ɛbɛ bíncodío bɛ́ ɔ́bɛgɔnɔ olɔŋɔ na gɛ́. Aáŋa gɛnamá gímmue gɛ́ gúme, bɛ́ɛbɛ bíncodío bɛ́ yaŋa olɔŋɔ na gɛ́.

Na mɔ́ɔnyɔ Giliíli a mo fáanana nciŋí ya gogálagala dogálɔ dá nciŋí, na mɔ́ɔnyɔ uncodío, a mo fáanana nciŋí ya go íyimene. Giliíli ummue eé ummue a fáanana na mɔ́ɔnyɔ goágana odɛ́má naá Asaŋa, na múunyú, pááná ya go éŋugenye bɔgɔnɔ́gɔnɔ. Giliíli a fáanana na mɔ́ɔnyɔ bogaaga bá go ŋanana bɛsɛɔ, na múunyú, bogaaga bá go dúmbenye dogálɔ dá mbúsí sá Asaŋa; na mɔ́ɔnyɔ a fáanana bogaaga bá go lɛnca giliíli gá mammana na gɛ́ɛgɛ gá mbele. Na mɔ́ɔnyɔ gɔnɔ́, a fáanana bogaaga bá go gálagala dogálɔ dɔ́ɔdɔ a lɔ́mɔ́ a dɛ íyíménée, uncodío, a mo fáanana pááná ya go falona dogálɔ moánɛ.

Kanɛ́ a lɔ́mɔ́ gɔgɔ́ Giliíli ummue eé ummue mɔ́ɔ a lɔ́mɔ́ na meŋiigíe mɔ́ɔmɔ miimée, a aba go onyɔ moánɛ aŋa a lɛ́galɛgamɔ́.

Hɔ́ɔlɔ́ gɔ́ɔ, gobásalasala gó lɔ́mɔ́ gó do bɛ́ɛ́mbá naá nnyɔ́dɔ, kanɛ́ bɛnamá bá yɛ́ biimée bɛ́ oyinyo oyinyo.

Pááná sá Gimmúmpúu gá Giliíli sɛ́ lɛ́ mbɔ́dɔ aá mbɔ́dɔ, kanɛ́ Giliíli ummue eé ummue mɔ́ɔ a fáananamɔ́. Moyogónyóo má lɛ́ mbɔ́dɔ aá mbɔ́dɔ, kanɛ́, a lɔ́mɔ́ Daadáa ummue eé ummue mɔ́ɔ bá mo yɔgɔnɛnɔmɔ́. Meŋiigíe má lɛ́ mbɔ́dɔ aá mbɔ́dɔ, kanɛ́, a lɔ́mɔ́ Asaŋa ummue eé ummue mɔ́ɔ a lɔ́mɔ́ na má go biimée.

Nɔ́ɔ gɔ́ɔ naá nnyaŋá ya Asaŋa, Asaŋa a mbaá dílímínyée naá olɔŋɔ yá busío baapótɛlɛ, naá olɔŋɔ yá gáandɛ́ɛ mbúsí sá Asaŋa, olɔŋɔ yá gádadɔ́ muloodio. Naá nnyimé hɔ́ɔlɔ́, bá lɛ́ hɔ́ɔ báaba bá ŋananamɔ́ bɛsɛɔ, báaba bé éŋugenye bɔgɔnɔ́gɔnɔ, báaba bó óhigonyomú na báaba bí indenyemú basɔ́gɔ́ɔ. Bá lɛ́ hɔ́ɔ tɔ́nɔ báaba bá gálagalamɔ́ dogálɔ dɔ́ɔdɔ bá lɔ́mɔ́ bá dɛ íyíménée.

Nnyɔ́dɔ ɛ dɛ báá loŋáalú na gɛnamá táŋɛ́ gímmue, ɛ lɛ́ na bɛ́ gɛca.

Asáa gɔgɔ́ bɛnamá bɛ́ɛbɛ dɛ núunemú dɛ amɔ́ bɛ́ lɛ́ kanɛ magɛ́nda, bɛ́ lɛ́ na ndénégé.

Aáŋa nnyɔ́dɔ iŋkimée ɛ mba lɛ́ niíso, ɛ lɔ́mɔ́ ba go ɔ́bɔnɔ nɛɛ́nɛ o? Aáŋa ɛ mbaá lɔmɔ́ goana udúu, ɛ lɔ́mɔ́ ba go ɔ́bɔ ginumpé nɛɛ́nɛ o? Mammana, Asaŋa a mba ágánáa bɛnamá biimée naá nnyɔ́dɔ aŋa a mbaá lɛ́gálɛ́gáa. Aáŋa buimée bó lɛ́ gɛnamá táŋɛ́ gímmue, nnyɔ́dɔ ɛ gaá ná bɛ́ɛ́mbá áhanɛ́ɛ o?