Popular Bible Verses from Ɛyf 2

Share

Bita fise ge: Ghɛn kubsen tetem ə tɛn naa ghel ɛjim, è fii moo ka ghel ghɛ ɛ́ beemenmen Jesus wɛ Mboyse, ka Feyine lɛyse mbee ə sɛn, è gese fo Keyioy Kelanene se ghɛn.

Ghene fó ngeŋse ghen kɛn se əbnəə wɛ ghɛ́ ntum nə Jesus nè dinten, è me se jɛle kevəə kemok, yiɛ gese jeme kɛn se kefaa kemok.

Ka ke kumen dì ɛ leghɛ Keyioy Kelanene me lii è lun se ghene tetem, è fo əbtaawe se ghene, ghene me se suuye əbnəə telam tɛ ghene nè báà yi se suŋnene.

Ghene sasen è yio ka kefaa səəken ɛ ɛyyio dəkse əblik, də̀mè ka əbfiɛf əbtaa, kefaa ki me lii è lun se ndaa yɛ ghene nè luun ɛ ten. Ghene loo kiy, è yɛn kefaa nɛ ke fuosen əbleeme əbvəs. Kefaa nɛ̂ kine giabsen, è kum ghene naa ghel ɛjim. Ka ke kumen dì ɛ leghɛ Keyioy Kelanene me lii è lun se ghene tetem, è fo əbtaawe se ghene, ghene me se suuye əbnəə telam tɛ ghene nè báà yi se suŋnene.

Ghene gese se konen ɛ ndaa-ɛykokse Feyin kechii nɛ̀ kechii, gese konen ɛ ghene ndaase, yiɛ se kefaa kemok, yiɛ dì giɛknene gese saŋle naa se ŋaŋ, kokse Feyin. Ghele yɛn ndee ghen ɛyjuŋ, è se koŋe naa se ŋaŋ. Báàba Jesus me se boyse ghel kechii nɛ̀ kechii, nɛ ɛ́ chinten kenon ə wen.

“Feyine suuy ge, Ɛ́ nɛ̂y loo lu əmchii mɛ̂ kenləysen é mɛ giate Keyioy ə kom se wel əbjim é ghone ghɛne ɛluumene, nɛ̀ ɛkiye yɛ yio əbnəə se mɛ fektee. Mɛ nɛ̂y nɛɛy é kuumese yɛ koo wak nɛ ghene yɛne əbnəə ə wom, è gese nɛɛy é chɛɛse yɛ yɛne kɛ́ ghene nɛ lu ɛ jɛmse.

Ghele beemene ɛjim me se jɛle kevəə kemok, nɛɛy əbnəə ghen se keghoo kemok, nɛ̀ əbfua ghene lu kɛn ɛ nchinten. Ghene nè lóó əbliy əblee wel feene kefaa ə wen ka ɛylem, kene əbfua əblee è giate əbkaa ten se ghele ka ngɛk ə wel luun.

Nɛ ke lu ge naa ndɛ wɛ əb lonen se Bay lu nɛ əb yî yɛ ki ɛyboy.”

Chuye yî liime, é əblike fin, é njoŋ benle è yɛ baŋ ka əmnduŋ, nɛ̀ kechii kɛ Baye gwiyen geese kwɛn kɛ luun kechii kekanene gese nɛ̀ keghakene.