Popular Bible Verses from Mɛnu ɛ́ ńdɑ́Ꞌ ńcẅɛt 5

Share

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

ḿbɔ́ ńzɔp ńcú ŋɡɔ; Mɔ́ɔ-Njinjɔ ẅí pɛ́ kɑ jẅínɛ wɛ́ lɑ́, ɑ kuꞋ ŋu ẅí ɛ́ lɑɑ ḿbɔ́ pɛ́ ɡɑ́ mɛtʉʉ mbɔ̌ wɛ́, ŋ́ɡɑ́ mɛyúu mbɔ̌ wɛ́, ŋ́ɡɑ́ jínu mbɔ̌ yɛ́, ńtɔꞋ ŋɡúꞋ yɛ, ŋ́ɡɑ́ mɛkuꞋ mbɔ̌ wɛ́, ŋ́ɡɑ́ nɛɡúꞋ mbɔ̌ wɛ́, ńzɔp lík yɛ́.

Ɔ kɑ lɔk wɔ́p ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɔ́p ŋ́ɡɛ pɑnɔŋpɔꞋ pɑ́Ꞌ pɔ́p ɡʉ ɛ́fɑꞋ mbɔ̌ Sɛ́ wɛkŋɛ, mbɑ pɑ́Ꞌ pɔ́p ɡʉ ŋ́ɡɛ ɛ́sɑ́Ꞌ pʉɔ ndǔ tsɛ́tsɑ́Ꞌ.

M bɛn ńzúꞋ, kʉ̈ɔ́ lɑ́ yi Sɛ́ kɑ niitɛ́nɛ, yi ɛ́ tʉ́nɛ́pú, yi ɛ́ ndǔ tsɛ́tsɑ́Ꞌ, yi ɛ́ tsɛt tsɛ́tsɑ́Ꞌ, yi ɛ́ tsɛt ŋki kɛ́ nɛpɑt tɛ mbɑ kʉ̈ɔ́ lɑ́ yi ɛ́ ndǔmbí lɑ́, ɛ́ pɔ́ ńzɔp ńcú ŋɡɔ: Pɛ́ zɔp lík, ŋ́ɡɛ mɛkuꞋ ńtɔꞋ ŋɡúꞋ yɛ, ŋ́ɡɑ́ nɛsɑ́Ꞌ mbí mbɔ̌ ŋu ẅí ɑ nɑ́ŋnɛ nǔu kɔꞋ-nɛfɔɔ, mbɑ mbɔ̌ mɔ́ɔ-Njinjɔ nǔu mɛŋɡuꞋ mɛŋɡuꞋ.

Lɑ́ wɛcɔ́ ŋu nǔu pɛlʉ́m pɑ́ tɔ́ ńcú mbɔ̌ mɔ ŋɡɔ: Kɔɔ pɛn ńdɑɑ. Ŋu sɛ́. PúꞋntʉʉ ẅí ɑ fɔɔ nǔu tsɛ́nndɑ́-Jẅídɑ, ɛ́ lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ɑ kɑ kɛ́ ńdʉ̈ɔ́Ꞌ ntsɔ tɛ ńtsɑ nu kɛpɔŋ. A ɡʉ ńdɔk pɔ́Ꞌɔ, ŋ́kuꞋ ŋu ẅí ḿbɔ́ ɑ kyɛꞌ ŋɛmɛ-ŋwɑ́Ꞌ yi pɛ́ kɑ lɑtnɛ nǔu mɛzʉꞋ sɑɑmbɑ́, ḿbɛn ɛ́fii tɑ́Ꞌ sɛsɑ pɑk-ŋwɑꞋnɛ.