Popular Bible Verses from Mɛnu ɛ́ ńdɑ́Ꞌ ńcẅɛt 20

Share

Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.

M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.

Ŋki kɛ́ nɛpɑt ɡɑ́ mɛpfú pʉɔ pí pɔ́p kɑ fʉ̈ɔ́tnɛ ŋki. Nɛvú mbɑ lɑ́Ꞌ-pɛpfú pɛn ŋ́ɡɑ́ mɔ́p mɛpfú, pɛ́ ŋɑk mbɑ wɔ̌ lɑ́ nǔu pɑ́Ꞌ mɛfɑꞋ mɛ́ kɑ pɔ́nɛ. Pɛ́ ɡɔ́ɔ ŋ́kɛ́ ńjɛ́Ꞌ nɛvú mbɑ lɑ́Ꞌ yi pɛpfú zúꞋu, ḿmɑꞋ tsɛt nɛpʉ́-múk. Nɛpʉ́-múk ɛ̂nɑ́ lɔk ḿbɔ́ nɛvú mbɑ́ɑtɛ yɛ́pɑ́.

M bɛn ńjʉ́ɔ yɛcɔ́ mɑ́mɑ́ kɔꞋ-nɛfɔɔ tʉ́ʉ, ḿbɔ́ fúfú, n jʉ́ɔ mbɑ ŋu ẅí ɑ nɑ́ŋnɛ ndǔ. Tsɛ́tsɑ́Ꞌ pɔ́p nɛfɑŋ puu ɛ́fú mbi yɛ́ ŋ́kʉɔ. Yɔ́p zʉꞋ pɔɔ pɛn ḿbɔ́ zúꞋu pɔ́.

MɛŋɡuꞋ ntsɑ́Ꞌ ɛ̂mɑ́ ɡʉ ŋ́ɡɛ ḿbɔ́ tɛ kuꞋ, pɛ́ ɡʉ tsɛt ndɑ́tsɑ́ŋ yi Sɑ́ttɑ tsɛtú lɑ́, ŋ́kíɛꞋtɛ mɛcɛ̂n nǔu wɛ́, ńnɑ́ wɛ́. A cẅɛt, nɛjúk ɛ́fúklɛ pʉɔ pí pɔ́p tsɛt mɛŋɡɔŋ mɛŋɡɔŋ, ndǔ mbí mɛsɑ́k mɛ́nɛ́kwɑ. Pɛ́ fúŋ mɔnɛ mɛŋɡɔŋ ŋɡɔ Ŋɡɔ́k ḿbɛn ɛ́fúŋ ŋɡɔ Mɑŋɡɔ́k, ɛ́fúklɛ wɔ́p pɔ́Ꞌɔ, ńcúꞋlɛ wɔ́p nɛlɔk ŋ́ɡʉ ḿmɑꞋ ntsɔ. Pɔ́p zɑ́ɑ pɑ́Ꞌ mɛmbɑŋ-sɑŋsɑ́ŋ mi ɛ́ mbʉʉ-ŋki kɛ́ nɛpɑt lɑ́.