Popular Bible Verses from Mɛnu ɛ́ ńdɑ́Ꞌ ńcẅɛt 1

Share

Tsɑpʉɔ Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, ɑ ŋɡɑŋmɛtʉʉ tsʉʉ, ɑ sɛ́ ńcú ŋɡɔ: Mɔ Alfɑ, ḿbɔ́ Ɔmɛŋɡɑ, nduŋmbi ḿbɔ́ ndẅiknzʉʉ.

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Pɔ́ttú ŋu ẅí ɑ ɡʉ fúŋ yɔ ŋwɑꞋnɛ. Pɛpɔ́ttú pɔ́ pʉɔ pi pɔ́p ɡʉ ńzúꞋ yɔ sẅiŋɛ yi ɛ́ fúnɛ mbɔ̌ Sɛ́, ŋ́ɡɛ yúu mi pɛ́ ŋwɑꞋnɛ́nɛ tsɛtú. MbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ kẅɛ́Ꞌlɛ tɛ ḿbɔ́ ḿbɑ́ɑtɛ.

N jʉ́ɔ wɛ́ pɔ́Ꞌɔ, ḿvu mɛku wɛ́, ńtsʉ́Ꞌ ńnɔɔ zúꞋu, ńtsʉ́Ꞌ ḿbɔ́ pɔ pɑ́Ꞌ mpfú. A zɑ́p pɔ́ yɛ́ yi tʉʉ nǔu mɔ, ńcú ŋɡɔ: «Kɔɔ pɛn ńcʉ̈ɔꞋ, mɔ Nduŋmbi, ḿbɔ́ ndẅiknzʉʉ.

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.