Popular Bible Verses from Mɑ́lɛ́kúshi 12

Share

Yɛ́su pʉ̈ɔt ŋɡɔ: «Nɛpʉ́ʉ ni ɛ́ piꞋnɛ mɛcɔ́, pʉ́ɔ: Pɑíslɑyɛ̂l, pʉʉ zúꞋ, Tsɑpʉɔ Sɛ́ wɛkŋɛ, jʉ́ zɛ́nɛjʉ́ pɔ́nɛ Tsɑpʉɔ.» Kɔŋ Tsɑpʉɔ Sɛ́ wu nɛ́ ŋɡɔŋ tʉ́m yú tsʉʉ, nɛ́ kwɑŋɛ yú tsʉʉ, nɛ́ mɛtʉʉ mú tsʉʉ. Nɛpʉ́ʉ mbɑ́ɑtɛ yɛ́pɑ́ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ kɔŋ mɔ́ɔmɑ́ wu ŋumɛsɔŋ pɑꞋ túmbʉʉ yú, nɛcɔ́ nɛpʉ́ʉ kɑ́ pɛn ḿbɔ́ ɡú tɛ ńdɛɛ mɔnɛ mɛmbɑ́ pɔ́.»

Yɛ́su jʉ́ɔ, ɛ́fúŋ ɡɑŋku pɛ́, ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mpfúk mɑŋɡɛ́ wɔ, ḿbɔ́ mbúŋ níꞋ ŋkɑ́p zɑ́Ꞌnɛ, ńtsɑ pʉɔ tsʉʉ.» MbíꞋŋɡɔ pɛcɔ́ pʉɔ zɛɛ ńtɔ́ yɔ́p, ńníꞋ pɔ mɛtú-ŋkɑ́p mɔ́p, lɑ́ ŋ́ɡʉ nǔu mpfúk mɑŋɡɛ́ wɑ́, ɑ zɛɛ ḿbɔ́ pɔ mbúŋ lɑ́, ɑ níꞋ yɛ́ ndɑꞋ yúu mi ɑ ɡẅɛɛnɛ nɛlɔk ńzúu yɛ́ yúu.

Yɛcɔ́ zʉꞋ pɔ́ zʉꞋ-nɔŋpɔꞋ yí pʉɔ ɡʉnɛ zúꞋu ńníꞋ ntsup-Sɛ́. Yɛ́su ɡɛ ńcúŋ ńnɑ́ŋ sɛ́ ḿbɔ́ ńdíŋɛ pɑꞋ pɛ́ níꞋnɛ, nɛzɑ́ɑ ɡɑŋyúu pɔ́ ńníꞋ ŋkɑ́p zɑ́ɑnɛ. Wɛcɔ́ mpfúk mɑŋɡɛ́ tɔ́ yɛ́, ḿbɔ́ mbúŋ, ńníꞋ pɑk-ŋkɑ́p yɛ́pɑ́, yi ɛ́ kɑ́ kuꞋ yɛcɔ́ yúu pɔ́.

Ɛ́ pɔŋ ŋɡɔ ŋu kɔŋ wɛ́ nɛ́ ŋɡɔŋ tʉ́m yɛ́ tsʉʉ, nɛ́ jínu yɛ́ pɔ́p mɛtʉʉ mɛ́ tsʉʉ, ḿbɛn ŋ́kɔŋ mɔ́ɔmɑ́ wɛ ŋumɛsɔŋ pɑꞋ túmbʉʉ yɛ́. Ŋɡɑŋ ɡɛ pɔ́Ꞌɔ, ɛ́ pɔŋ Sɛ́ ńtsɑ nɛtɔɔ mɛyúumɛku ŋ́ɡɑ́ mbɔ̌ wɛ́, ńtsɑ mbɑ yúu-pɔꞋ yi mbɔ ɑ ɡɑ́ mbɔ̌ wɛ́.»

A cú mbɔ̌ pɔ́p ŋɡɔ: «Ɛ́ lɑɑ ḿbɔ́ pɔ́Ꞌɔ, pʉʉ ɡɑ́ yúu-Kɑ́sɑ mbɔ̌ Kɑ́sɑ, ŋ́ɡɑ́ yɛ́ Sɛ́ mbɔ̌ Sɛ́.» Pɔ́p zúꞋ ntɛ́ yi ɑ lɔknɛ ḿbʉ̈ɔt, ɛ́ kʉꞋnɛ wɔ́p tɛꞋ. Ntsu wɔ́p zúu.