Popular Bible Verses from Ɛ́fɛ̂zɛ 3

Share

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ. Gúꞌlɛ pɔ́ mbɔ̌ wɛ́ tsɛt cúꞋlɛ-pʉɔ-Kɛlístɔ, ńdɛɛ nǔu Yɛ́su Kɛlístɔ, nǔu mɛŋɡuꞋ mɛŋɡuꞋ, kɛ́ nɛpɑt! Ɛ́ pɔ́Ꞌɔ.

mɔ sɛ́ ńdɔ́ɔ mbɔ̌ wɛ́ ŋɡɔ ɑ lɔk pɑ́Ꞌ nɛɡúꞋ wɛ ɡú tɛꞋ lɑ́, ḿbɛ́m, ŋ́ɡɛ Zẅikŋɛ yɛ́ ɡɑ́ yʉ́ʉ tʉʉ nɛpɔ́ yi tʉ́m yʉ́ʉ ɡʉ tsuŋ tɛntɛ tɛꞋ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́. Ɛ́ lɛɛ pɔ́Ꞌɔ, pʉʉ kuꞋ nɛpɔ́ yi mbɔ pʉʉ pɛ́ pʉɔ-Sɛ́ pɛtsʉʉ zúꞋ ntɛ́ yi ŋkɔŋɛ Kɛlístɔ ɡúꞋnɛ pɔ́Ꞌɔ, ɛ́sɑk pɔ́Ꞌɔ, ŋ́ɡʉ tʉ́ pɔ́Ꞌɔ, ŋ́kúu sɛ́ pɔ́Ꞌɔ. Yɔ pɑ́Ꞌ mɔ sɛ́ ḿbɔ́ ḿbúꞋ mbɔ́ mbɔ̌ Sɛ́ pɔ́Ꞌɔ. A ɡʉ ɛ́fú nǔu pʉʉ kuꞋ nɛjí pɑ́Ꞌ ŋkɔŋɛ-Kɛlístɔ pɔ́Ꞌɔ, tɛ mbɑ pɑ́Ꞌ ɛ́ lɛɛnɛ jínu tsʉʉ. Pʉʉ ɡʉ ḿbɔ́ tɛ ńjí yîyɑ́ ŋkɔŋɛ, yúu tsʉʉ yi ɛ́ tʉ́m-Sɛ́ pɛn ḿbɔ́ tsɛt tʉ́m pʉʉ tɛ yúu pɔɔ nǔu jɑ́k.

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.