Popular Bible Verses from Kɔlɔsíyɛ̂ŋ 1

Share

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.

Sɛ́ kɑ zɛɛ ŋ́ɡɛ mbɑ kʉ̈ɔ́ lɑ́ lɛɛ nǔu mbɔ́-Mɔ́ɔ nɛ lɑ jʉ́ Sɛ́ pɔ́ɔ. Pɛ́ lɑ́Ꞌ yúu tsʉʉ yi ɛ́ tʉ́nɛ́pú, mbɑ yi ɛ́ ndǔ tsɛ́tsɑ́Ꞌ, mɛyúu mi pɛ́ jʉ́ɔnɛ mbɑ mi pɛ́ kɑ́ pɔ́ ńjʉ́ɔ pɔ́, mbɑ kʉ̈ɔ́ lɑ́ yi ɛ́ ndǔmbí ɡẅɛɛnɛ mɛtʉʉ nǔu pʉɔ, ɛ́sɑ́Ꞌ pɛcɔ́. Sɛ́ kɑ ɡɛ mîmɑ́ mɛyúu lɛɛ nǔu mbɔ́-Mɔ́ɔ nɛ lɑ pɛ́ pɔ́ɔ, ḿbɛn ḿbɔ́ɔ ɛ́ pɔ́ pɔ yɛ́ Mɔ́ɔ nɛ.

Ndǔmbí kɑ pɛ́t pɔ kɛ́ pɔ́ ɡú, Kɛlístɔ pɔ́ pɔ ɡú, kʉ̈ɔ́ lɑ́ pɛn ńdɛɛtɛ pɔ nǔu wɛ́ lɑ ḿbɔ́ ɡú.

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ. Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.