Popular Bible Verses from ŊwɑꞋnɛ-Gɑŋntúu Yɛ́su Kɛlístɔ 5

Share

Lɑ́ Pyɛ̂ pɔ́p pɛcɔ́ ɡɑnŋtúu pʉ̈ɔt ŋɡɔ: «Ɛ́ píkŋɛ ŋɡɔ pɛ́ zúꞋ ntsu-Sɛ́, ńtsɑ nɛzúꞋ ntsu-pʉɔmɛsɔŋ.

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

Pyɛ̂ píkŋɛ wɛ́ ŋɡɔ: «Anɑníyɑs, mɛlɑ́Ꞌ kʉ̈ɔ́ ɔ pɛ́m Sɑ́ttɑ jʉ́ wú tɛ ɔ fu Zẅikŋɛ-Sɛ́? Mɛlɑ́Ꞌ kʉ̈ɔ́ ɔ fɛn ŋkɑ́Ꞌ wú, ŋ́ɡẅɛɛ yɛcɔ́ ɡúŋ-ŋkɑ́p? Ŋkɑ́Ꞌ ḿbɔ́ pɔ wú, lɑ ɔ fɛn. Ɔ pɛn ɛ́fɛn, ŋkɑ́p pɔ́ pɔ yú. Ɔ pɛn ŋ́ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ tsɛt tʉ́m yú? Ɔ kɑ́ cɔtnu pɔ mbɔ̌ pʉɔmɛsɔŋ pɔ́. Ɔ cɔtnu pɔ mbɔ̌ Sɛ́.» Anɑníyɑs zúꞋ yɔ sẅiŋɛ, ŋ́ɡɔ́ɔ ḿvu sɛ́ zẅikŋɛ yɛ́ tʉ́ʉ. Pʉɔ pɛtsʉʉ pi pɔ́p kɑ zúꞋnɛ yɔ nu pɔ́k.

N dɔk pɑ́Ꞌɑ ɛ́sẅíi wʉ́ʉ ŋɡɔ, pʉʉ nɑ́ pʉɔ pɑ́lɑ́, pɔ́p ɡʉ, mbíꞋŋɡɔ yúu mi pɔ́p kíɛnɛ ziꞋnɛ nǔu lɑɑ fú pɔ mbɔ̌ pʉɔmɛsɔŋ, ḿbɔ́ yúu mi pɔ́p niitɛ́nɛ, ɡʉ ńdɔk pɔ ndɑ̌ɑ ndɑɑ ḿmɛ. Ŋ́kɛ́ ɛ́fú mbɔ̌ Sɛ́, mbɔ ɛ́ lɑɑ ḿbɔ́ pʉʉ pɔɔ kuꞋ nɛtɑ́k pɔ́. Pʉʉ pɑ́ɑ pɑ́Ꞌ ɛ́ lɑɑ ḿbɔ́ pʉʉ lʉ́ɔꞋ Sɛ́ nɛ́ ntsɔ.» Pɔ́p pɛ́m nu yi Ŋɡɑmɑlíyɛ̂l cúnɛ