Popular Bible Verses from 2 Kɔlɛ̂ŋtɛ 12

Share

ḿbúꞋ mbɔ́ mbɔ̌ wɛ́ pɔ́Ꞌɔ, ɑ tsɔ́Ꞌ ŋɡɔ, mɔ sɛ́ ńdíŋɛ wú, ńcẅɛ́lɛ wú, yú kuꞋ pɔ́Ꞌɔ, mbíꞋŋɡɔ ɔ pɔ́ tɛ ḿbɔ́ ḿbɔ́t pɔ́tnɛ lɑ ńdɔk ŋ́ɡɑ́ shʉ́ pɑ́Ꞌ mɑ́ɑ mɛtʉʉ ɡʉ tsuŋ ɛ́fɑꞋ. Ɛ́ yɛ́tɛ́ lɑ́ ŋ kɔŋ nɛpiitɛ ńdɔk pɑ́Ꞌ ḿbɔ́t pɔ́tnɛ ŋ́kɑꞋmɛ. Pɔ́Ꞌɔ, ńjí ŋɡɔ mɛtʉʉ-Kɛlístɔ ɡʉ ńtɔ́ ḿbɔ́ nǔu mɔ.

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

Mɔ ḿbɔ́ pɛ́Ꞌnɛ ńdɔk túmbʉʉ yɑ́ɑ ŋ́kɑꞋmɛ, mbɔ ŋ kɑ́ pɔ́ ńdɔk ḿbɑ́ pɑ́nɛ pɔ́, mbíꞋŋɡɔ ŋ ɡʉ ńcú pɔ nu nɛ́nẅín. Lɑ́ ŋ kɑ́ pɔ́ ŋ́ɡʉ ŋ́kɑꞋmɛ pɔ́, ḿbɔ́k pɛ́ nɛjʉ́ɔ wɑ́ɑ ńdɛɛ yúu mi pɛ́ sɛ́ ńjʉ́ɔ ŋ ɡɛ, tɛ mbɑ yi mɔ sɛ́ ńcú. Pɑ́Ꞌ ŋ kɑ jʉ́ɔnɛ mɛnu mɑ̌ɑmɑɑnɛ lɑ́, Sɛ́ jʉ́ɔ ŋɡɔ ŋ ɡɔ ḿbɔ́ ńdɔk ŋ́ŋɑ́Ꞌlɛ, ḿbɛ́m mɑ́ntúu-Sɑ́ttɑ ńnɑ́ŋ ńtswɑ́ɑ wɑ́ɑ, ɛ́ pɔ́ ŋɡʉ̈ɔ́Ꞌ yi ɛ́ kɑ kúunɛ nǔu mɔ pɑꞋ nzɔ́ŋ yi ɛ́ lɛ́Ꞌnɛ nǔu mɔ ḿbɔ́ ńnɑ́ŋ ŋ́ɡɑ́ɑnɛ wɑ́ɑ lɑ́, pɔ́Ꞌɔ, nɛpɔ́ yi ŋ kɛ́ kɑꞋmɛ pɔ́