Popular Bible Verses from 1 Timɔtɛ́ɛ 6

Share

Kɛ́ ḿbɔ́ ḿmɑꞋ yú pɔ ntsɔ sʉ́Ꞌnɛ wɛ́ pɑzɑ́ptʉ́m nǔu Sɛ́. KúꞋlɛ luk kɛ́mɛ sʉ́Ꞌnɛ, mbíꞋŋɡɔ Sɛ́ kɑ fúŋ wú, ntɛ́ pɔ wɛ́tɛ́. Ɔ kɑ pɛn ńtʉ́ʉ mbi pʉɔ tɛ ńzɑ́ɑ ḿbɛ́m nu sʉ́Ꞌnɛ yi ɔ zɑ́pnɛ tʉ́m yú nǔu.

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.

Ɛ́ kɛ́ ńzɛɛ ḿbɔ́ nɛ́nẅín ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɑ pɔ́ttú pɑ́Ꞌ nu lɑɑ ḿbɔŋ wɛ́ nǔu yúu mi Sɛ́ ɡɑ́nɛ mbɔ̌ wɛ́.

Pɛkŋɛ ŋ́kɑɑ zɛɛ ŋ́kɛ́ ńdɔk yɛcɔ́ yúu ńtɔ́ ndǔ mbí yɔ pɔ́, pɛkŋɛ kɛ́ lɑ́Ꞌ ńdɔk yɛcɔ́ ɛ́fú zúꞋu ŋ́ɡʉ pɔ́.

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ. Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.