Popular Bible Verses from 1 Timɔtɛ́ɛ 1

Share

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.

Lɑ́, Sɛ́ kɑ tsɑ́ɑ mɛjʉ́ŋ mɑ́ɑ, tɛ Yɛ́su Kɛlístɔ nyɛt nǔu mɔ ẅí mɔ ndúu tsɛtsɛt pɑɡɛ mɛnu kɛpɔŋ ŋɡɔ ɑ jí nɛsʉk. Pɔ́Ꞌɔ ńdɔk ŋ́ɡɑ́ fʉꞋ mbɔ̌ pʉɔ pi pɔ́p ɡʉ ŋ́ɡɛ ńzɑ́p tʉ́m nǔu wɛ́, ŋ́ɡẅɛɛ luk kɛ́mɛ.

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

Pɛkŋɛ pɛn ḿbɔ́ ńjí ŋɡɔ Sɛ́ ŋ́kɑɑ ḿbɔ́ ńtík nɛpʉ́ʉ mbíꞋ pʉɔ pi pɔ́p ɡɛnɛ nu yi ɛ́ tʉ́ʉnɛ pɔ́, ɑ kɑ pɔ́ ńtík nɛpʉ́ʉ mbíꞋ pɑfʉꞋ mɛnu, pɔ́p pɑtʉʉtú, mbíꞋ pɑɡwɑ́k Sɛ́, pɔ́p pɑɡɛ mɛnu kɛpɔŋ, ḿbɛn mbíꞋ mbɑ pʉɔ pi pɔ́p kɑ́ zúꞋ ntsu-Sɛ́ pɔ́, ŋ́kɛ́ mbɔɔ lɔk yɛcɔ́ yúu mi ɛ́ fúnɛ mbɔ̌ wɛ́ ɛ́fúŋ yɛcɔ́ yúu pɔ́. Sɛ́ kɑ pɔ́ ḿbɛn ńtík nɛpʉ́ʉ mbíꞋ pʉɔ pi pɔ́p jẅítɛ pɛtɑ́t pɔ́p pɔ́p pɛmɑ́ pɔ́p, mbíꞋ pɛfút. Pɛ́ kɑ tík nɛpʉ́ʉ mbíꞋ pʉɔ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbíꞋ mbɛ́ɛnɛ yi ɛ́ nɔŋnɛ pɛcɔ́, mbíꞋ pɑtɑ́ŋpuꞋ. Pɛ́ kɑ tík nɛpʉ́ʉ mbíꞋ ɡɑŋcɔtnu, mbíꞋ pɑjʉ́ ńjʉ́ɔ pi pɔ́p pɔ ɡɑŋcɔtnu. A kɑ tík nɛpʉ́ʉ mbíꞋ pʉɔ pi pɔ́p lɔɔnɛ shʉ́ ŋ́ɡɛ pɔ yúu mi ɛ́ kɑ́ pɔ́ ḿbuutɛ nǔu nu nɛ́nẅín yi pɛ́ zíꞋnɛ wɛkŋɛ pɔ́.