Popular Bible Verses from 1 Tɛsɑlɔník 4

Share

Pɛkŋɛ pi pɛkŋɛ ɡʉ ńdɑ́Ꞌ ḿbɛ́t ntʉʉ, Sɛ́ pɑ́ɑtɛ ńtíi wɔ́p pɛpɔ́p nǔu mɛlɑ́ɑ, pɔ́p pɛpɔ́p pɛ́tsʉʉ ɡʉ ŋ́kẅɛ́ɛtɛ Tsɑpʉɔ wɛkŋɛ tʉ́. Pɛkŋɛ pɛ Tsɑpʉɔ lɑ́Ꞌnɛ ńtsʉ́Ꞌ ḿbɔ́.

Ɛ́ ɡʉ ńdɑ́Ꞌ lɛ́Ꞌ ɛ̂yɑ́, pɛ́ zúꞋ yúu mi ɛ́ pʉ́nɛ, tɑ́tndɑ́-pɛcʉ̈ɔ́Ꞌ-Sɛ́ ɡʉ ńdɑ́Ꞌ ŋ́ɡɑ́ ŋɡi yɛ́ tʉ́ ńcú nu, pɛ́ ɡʉ ńzúꞋ ŋɡi-ntɑŋ-Sɛ́, kwɑꞋ Tsɑpʉɔ fú tʉ́nɛ́pú ḿpfúu, pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu wɛ́ piitɛ ńzẅíimɛ nǔu nɛvú.

Yúu mi Sɛ́ sɛ́ ŋ́kɔŋ ɛ́ pɔ́ pɔ ŋɡɔ pʉʉ pɔ́ ndɛ́ɛnɛ lɛ́ɛnɛ́nɛ, kɔɔ mbɛ́ɛnɛ lɔɔ pɑŋɡɛ́, kɔɔ pɑŋɡɛ́ lɔɔ mbɛ́ɛnɛ, ŋɡɔ mbɑ wɔ̌ lɑ́ tsɛtsɛt pʉʉ ɡuutɛ mbʉʉ yɛ nǔu ntɛ́ yi Sɛ́ sɛ́ ŋ́kɔŋ, nǔu ntɛ́ yi ɛ́ ɡẅɛɛnɛ mɛkuꞋ.

Pɛkŋɛ sɛ́ ḿbɛ́m ŋɡɔ Yɛ́su kɑ pfú ḿbɛn ńzẅíimɛ nǔu nɛvú. Pɛkŋɛ pɛn ḿbɔ́ ńjí ɡúu ŋɡɔ pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu Sɛ́, ɑ ɡʉ ńdɔk Yɛ́su ŋ́ɡɛ pɔ́p zẅíimɛ.

Pʉʉ sɑ́Ꞌ tʉʉ, ńnɑ́ŋ kɛ́ cʉ́ɔk tsɛtsɛt pʉʉ, ŋu wʉ́ʉ cú nu pɔ nǔu nu yí ɛ́ sɛ́ ńdíŋɛ wɛ́. Pʉʉ lɔk mɛlɑ́ɑ-mbɔ́ mʉ́ʉ ɛ́fɑꞋ lɑ ńjʉ́ pɑ́Ꞌ pɛk kɑ cúnɛ ŋɡɔ pʉʉ ɡɛ lɑ́

Sɛ́ kɑ zɛɛ mbɔɔ fúŋ wɛkŋɛ ŋɡɔ pɛkŋɛ ɡɛ mɛnu mi ɛ́ ɡẅɛɛnɛ ntsɛ́llɛ́ pɔ́, ɑ kɑ fúŋ wɛkŋɛ ŋɡɔ pɛkŋɛ ɡẅɛɛ pɔ mɑt ẅí ɛ́ wɛ pʉɔ pɛ́.