Popular Bible Verses from 1 Kɔlɛ̂ŋtɛ 13

Share

Ŋu ẅí ɑ kɔŋnɛ ŋumɛsɔŋ, ɑ ɡẅɛɛ kɔk mbʉʉ, ɑ cẅɛ́lɛ́ pʉɔ, ɑ kɑ́ ɡẅɛɛ kɛ́ɡʉ̈ɔꞋ pɔ́, ɑ kɑ́ nyɛt mbʉʉ yɛ pɔ́, ɑ kɑ́ ŋɑ́Ꞌlɛ pɔ́, ɑ kɑ́ ɡɛ mɛnu sʉ́ʉ pɔ́, ɑ kɑ́ nyɛ́p pɔ́, ɑ kɑ́ fɛ́Ꞌnɛ ńzɑ́ŋ lɔ́ŋ pɔ́, ɑ kɑ́ ɡẅɛɛ ŋu lɔ́ŋ yɛ́ pɔ́

Ŋu ẅí ɑ kɔŋnɛ ŋu mɛsɔŋ, ŋu fɑɑnɛ pɔ yɛ́tɛ́ nu mbɔ̌ wɛ́ lɑ́, ɑ likŋɛ likŋɛ́nɛ, ɛ́ ɡʉ nǔu mbɑ kʉ̈ɔ́ lɑ́ ɑ zɑ́p tʉ́m yɛ́ pɔ nǔu Sɛ́, ńnɑ́ŋ ḿbɔ́ ńzẅíꞋlɛ yɛ́ pɔ ŋɡɔ mbɑ kʉ̈ɔ́ lɑ́ ɡʉ ŋ́ɡɛ ńdẅiklɛ pɔ sʉ́Ꞌnɛ, ɑ jʉ́ɔ ŋɡʉ̈ɔ́Ꞌ ŋɡɔ́ku ɔɔ ḿpfú pɔ míꞋlɛ.

ɑ kɑ́ tsɑ́ɑtɛ nǔu cɔtnu pɔ́, ɑ tsɑ́ɑtɛ yɛ́ pɔ nǔu nu nɛ́nẅín.

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

Ɛ́ lɑɑ ḿbɔ́ ŋ ɡɑptɛ yúu pɑ́ɑ tsʉʉ ŋ́ɡɑ́ mbɔ̌ pʉɔ pi nji sɛ́ ńzɑ́ŋ wɔ́p, mbɔ m bɛ́m ŋɡɔ pɛ́ tɔɔ wɑ́ɑ, lɑ́ ɛ́ ɡɔ́ ḿbɔ́ pɔ́Ꞌɔ, m bɔɔ ŋ́kɔŋ ŋumɛsɔŋ pɔ́, mbɔ ɛ́ kɛ́ cẅɛ́lɛ́ wɑ́ɑ nǔu yɛcɔ́ yúu pɔ́.

Ɛ́ kɑ pɔ́ ŋkɑ́ yi ŋ kɑ pɛ́tnɛ mɔ́yúu mɔ́ɔ, ɛ sẅiŋɛ pɑ́Ꞌ mɔ́yúu mɔ́ɔ, ŋ́kwɑŋɛ nu pɑ́Ꞌ mɔ́yúu mɔ́ɔ, jínu yɑ́ɑ sɑ́ŋ nu pɑ́Ꞌ yɛ́ mɔ́yúu mɔ́ɔ. Ɛ́ ŋkɔ̂ɔnɛ n tsʉ́Ꞌ ḿbɔ́ pɔ ndʉ́m, ŋ kɑ́ pɛn ḿbɔ́ ŋ́ɡɛ mɛnu pɑ́Ꞌ mɔ́yúu mɔ́ɔ pɔ́.