Popular Bible Verses from 1 Kɔlɛ̂ŋtɛ 1

Share

Lɑ́, Sɛ́ kɑ tsɔ́Ꞌ yúu mi ndǔmbí jʉ́ɔnɛ ɛ́ pɔ́ pɔ yúu pɛpɑ́lɛ́ ńdɔk ńtɛ́m sʉ́ʉ nǔu pɑjínu, ńtsɔ́Ꞌ yúu mi ɛ́ ndǔmbí ḿbɔ́t pɔ́tnɛ ńdɔk ńtɛ́m sʉ́ʉ nǔu mi ɛ́ ɡẅɛɛnɛ tʉʉ.

Pɛ́ zɛɛ ńcú nu nǔu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ɛ́ pɔ́ mbɔ̌ pʉɔ pi pɔ́p nǔu sɛ̂ndúŋ nɛpɛ́ ḿbɔ́ pɔ nu-pɛpɑ́lɛ́, lɑ́ ŋ́kɛ́ ŋ́ɡʉ nǔu pɛkŋɛ pi pɛkŋɛ nǔu sɛ̂ndúŋ-luk, yîyɑ́ nu pɔ́ mbɔ̌ pɛkŋɛ ńdɔk ńdɛꞋlɛ pɔ mɛtʉʉ-Sɛ́.

MbíꞋŋɡɔ yúu mi Sɛ́ ɡɛnɛ ŋumɛsɔŋ jʉ́ɔ ŋɡɔ ɛ́ nu-pɑ́lɛ, jínu nǔu ńdɛɛ yi ɛ́ nǔu yúu mi ŋumɛsɔŋ ɡɛnɛ. Yúu mi Sɛ́ pɛnnɛ ŋ́ɡɛ ŋumɛsɔŋ jʉ́ɔ ŋɡɔ ɛ́ pɔ́t pɔ́tnɛ, yîyɑ́ ɡẅɛɛ tʉʉ ńdɛɛ yi yúu mi ŋumɛsɔŋ ɡɛnɛ.

Jʉ́ Sɛ́ ẅi ɑ kɑ tsɔ́Ꞌnɛ wʉ́ʉ pɑ́Ꞌ pʉʉ ɡʉ ńnɑ́ŋ ŋkɑ́ tsʉʉ ńtɛmtɛ mbʉʉ yʉʉ nǔu Mɔ́ɔ nɛ Yɛ́su Kɛlístɔ ẅi ɑ Tsɑpʉɔ wɛkŋɛ, ɑ lɔɔ ŋ́kɑꞋ yúu mi ɑ ɡʉ ŋ́ɡɛ ḿbɛn ŋ́kúpmɛ pɔ́.

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?