Popular Bible Verses from Kə̀fwàʼ 2

Share

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Ghe mo e zuw dəm kə̀ li kə nughù kwûu sə tsughu wô alo kəwālā to zəŋ lô tsəghāa, kə n nyə̀ ŋgwùu tsùghu ndughu zəa ghe mò doʼ a te e dzə̀m. Saʼà tə li tə m gbə̀n sə kɔʼ fughu am bvʉ e ghee tò saʼà tə uwə̀n, sə̀ sɛ̀ɛ è tsughu, nyàʼa dòʼò kǎaŋ ndùw an tuw u ghee yì à dzə̀m. Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ. Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Ghî ghəla ghe mò boō tsughu n dòʼò kɔʼ ko alo fətùʼù, dzeŋe têen dzə̂əŋ fʉgha wən ù dzə̀m ghe ki. Ghe n nì fèe tsùghù fʉgha u ghee, dzùghùu fughu kɔʼ kua u te wo â ghì ghə̀n ghe mò ki yô fəgha ko.

Zəa e ke lo sugho enyəa, mò à kè tɔ̀ŋɔ tsughu ko ndùghò zən e Mughu ù te zo, ù n zə kətuw.”

Ləm kə kê nughù bvʉ̂a tsughu enyə alo enaʼ, tsə̀ è ke koōm tughuu yo, ndzɔŋ kê nughù baŋà doʼò tsughu enyə tò təkâŋ Ghəa ghən kê nìi dzə̀ kə̀bəla sěe tsuʼu Mughu ù te u kê bughōo, tsuʼ u wən ù nêene wo.