Popular Bible Verses from ZACARÍAS 4

Share

Chaimantami chai angelca, ñucamanca cashna nirca: “Zorobabelmanmi Mandaj Diosca cashna nin: Mana soldadocunallahuanchu, mana c'ari c'ari macanacushpallachu mishangui. Ashtahuanpish ñuca Espirituhuanmari mishangui.

“Diospaj huasita ruranata Zorobabel callaricujpi p'iñajcunapish tucuchishcata ricushpaca cushicungacunami. Zorobabel plomadata maquipi charicujtapish ricungacunami. Chai canchis lamparacunaca, Mandaj Diospaj ñahuicuna cai pachata tucuita ricucujtami ricuchin” nircami.

“Diospaj huasita ruranata callaringapajca, Zorobabelmi, paipaj maquicunahuan callari rumita churashpa callaringa. Chai huasitaca paillatajmi tucuchinga” nircami. Chashna rurashcacunata ricushpami, ñucataca tucuita Mandaj Diosllataj cancunapajman cachashcataca yachanguichij.