Popular Bible Verses from ROMANOS 6

Share

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Chaipica, juchaca cancunataca mana ashtahuan mandai tucungachu. Ña mana Mandashca ucupi canguichijchu, ashtahuanpish mana c'uyaipajta c'uyajpaj ucupimi canguichij.

Bautizarishcamantami paipaj huañuipi paihuan pambashca canchij. Ima shinami Yayapaj sumaj poderhuan Cristoca huañushcacunapaj chaupimanta causarirca, chashnallataj ñucanchijpish mushuj causaipi causashunchij.

Shinallataj cancunapaj cuerpopi caj miembrocunataca, millaita rurachichun juchamanca ama cuichijchu. Ashtahuanpish huañushcacunapaj chaupimanta causarishcataj cashcamantaca, cancunaca Diosman curichij. Cambaj cuerpopaj mienbrocunatapish, cashcata rurachichun Diosman cuichij.

Ñucanchij mauca causaitaca, Cristohuan chacatashca cashcatami yachanchij. Juchapajta ama ashtahuan rurangapaj, juchasapa cuerpota chingachingapajmi chashna chacatarcanchij.

Shinallataj cancunapish juchata ama rurangapajca, huañushca cashcata yuyaichij. Ashtahuanpish ñucanchij Mandaj Cristo Jesuspi Taita Diospaj causacushcata yuyaichij.

Shina cajpica ¿imatataj nishun? Mana c'uyaipajta c'uyana yallitaj mirarichunca ¿ashtahuanchu juchallishpa catishun? ¡Amataj chashnaca yuyashunchij! Juchata ama rurangapajca huañushcacunami canchij. ¿Maitataj juchallapitajca causashunri?

Maijanpaj esclavo tucushpaca, cazungapaj esclavo tucushcataca ¿manachu yachanguichij? Chashnallataj juchapaj esclavo cajpipish huañuimanmi chayachin, ashtahuanpish Diosta cazushcamantaca cashcata rurashpa causajtami ruran.

Ashtahuanpish ñaupaca juchapaj esclavocuna cashca cashpapish, Diosmanta ima shina canata cancunaman yachachishcatami shungumanta cazushcanguichij. Chaimantami Diostaca pagui nini. Juchamanta cacharichishca cashpami, cashcata rurajcuna tucushcanguichij.