Popular Bible Verses from ROMANOS 16

Share

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

Ashtahuanca caitami rogani huauquicuna. Cancuna yachashca yachanata ñitcachishpa, pandachishpa ch'icanyachijcunataca alli ricuranguichij. Paicunamantaca anchurichij.

Chashnacunaca, ñucanchijta Mandaj Jesucristopajtaca mana rurancunachu, ashtahuanpish quiquin huijsapajllami yuyarishpa causancuna. Paicunaca, sumaj uyanalla shimicunata rimaj tucushpami, manaraj alli yachajcunapaj shunguta umancuna.

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca. Chaitaca huiñaita causaj Dios mandashca shinami, paipaj profetacunaman Quillcacunata quillcachishpa ricuchishca. Crinataj cashcata cazunata tucui mama llajtacunaman yachaj chayachingapajmi chashna ricuchishca. Tucuita yachaj shujlla Diostaca, Jesucristomanta huiñai huiñaita jatunyachishca cachun. Chashna cachun.