Popular Bible Verses from ROMANOS 12

Share

Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

Shuyacushcamantaca cushicuichij, llaquitapish apaichijlla, Diostaca mañaracuichijlla.

Millai mishashca ama caichu, ashtahuanpish millaitaca allihuan mishai.

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Ama nij tucushpalla tucui shunguhuan c'uyanacuichij. Millaitaca p'iñaichij, allitaca catichij.

Cancuna tucuicunahuan alli cai tucushpaca, tucuicunahuan sumajta causaichij.

Ñuca c'uyashcacuna, cancunata llaquichijcunataca cancunallatajca ama llaquichishun nichijchu, ashtahuanpish Dios llaquichichun saquichij. Cashnami quillcashca tiyacun: “Ñucami llaquichisha, ñucami paicuna japina cashcataca cusha” ninmi Jatun Diosca.

Imata ruraj cashpaca ama q'uillashpa utca ruraichij. Espíritu yuyaita cushca shina tucui yuyaihuan Mandaj Jesuspajtaca ruraichij.

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

Cancunata pi llaquichijpipish, ama chashnallataj llaquichinguichijchu. Tucuicunapaj ñaupajpi allita rurana yuyailla caichij.

Cancunapurapica shuj shinalla caichij, ama jatun tucuichijchu. Ashtahuanpish mana jatun tucushcacunahuan tandanacuichij. Quiquin yuyaillapica, yachajmi canchij ama yuyaichijchu.

Ashtahuanpish canta p'iñaj yaricaihuan cajpica carailla, yacunaihuan cajpica, ubyachun cuilla. Chashna rurajpica, paillataj ñahui pucayashpa pingaringallami.

Cancunata catirashpa llaquichijcunataca, ama llaqui tucushca canman nichijchu. Ashtahuanpish alli cashca cachun nichij. Cushicujcunahuanca cushicuichij, huacajcunahuanca huacaichij.

Jucha illajcuna ima illajlla cajpica cuichij, huasipipish pozachij caichij.

Shinallataj cuerpopica, achca miembrocunatami charinchij. Chashna cashpapish, mana tucui miembrocuna chaillatataj ruranata charinchu. Ñucanchijca achcacuna cashpapish, Cristopica shuj cuerpollami canchij. Chashna cashcamantami, caishuj chaishuj shuj cuerpopajlla miembrocuna canchij.