Popular Bible Verses from GÉNESIS 45

Share

Ashtahuanpish cunanca cancunaca ama llaquirichijchu. Ñucataca mana cancunapaj munaimantachu c'atushpa cacharcanguichij. Cancunapaj causaita quishpichingapajmi Taita Diosca ñucataraj caiman ñaupachishpa cacharca.

Shina cajpica, mana cancunachu caimanca cacharcanguichij. Ashtahuanpish Taita Diosmari cacharca. Paimari ñucataca faraonpaj yaya shinata, paipaj huasitapish mandajta, tucui Egipto llajtatapish mandajta churangapaj pushamurca.

Cancunapaj huahua huahuacuna q'uipa punllacunapi cai pachapi causajcuna tiyachun. Cancunatapish cancunapaj huahua huahuacunatapish causaita quishpichingapajmi Taita Diosca ñucataraj caiman ñaupachishpa cacharca. Chashnami Taita Diosca ima shinapish quishpichinataj tucushca.

Chaimi Joseca paicunataca: –Cunanca ñucapajman c'uchuyamuichij– nirca. Paicuna c'uchuyajpimi Joseca: –Ñucaca cancuna c'atushpa Egiptoman cachashca cancunapaj huauqui Josemari cani.

Ñamari ishqui huatacunata cai pachapica jatun yaricai tiyan. Pichca huatacunahuan yaricai tiyangarajmi. Tucui chaipimari yapuipish, cozichaipish illanga.

Joseca paipaj huauquicunataca: –Ñucaca Josemi cani. Ñuca yayaca causacunrajchu– nijpi, paipaj huauquicunaca paipaj ñaupajpi yallitaj musparishca cashcamanta imata mana ni tucurcacunachu.