Popular Bible Verses from ÉXODO 9

Share

Ñucaca imatapish rurai tucuj cashcata canpi ricuchishpa, tucui cai pachapi ñuca shuti huillashca cachunmi cantaca churarcani.

Mandaj Diosca Moisestaca: –Faraonpajman yaicushpaca: “Mandaj Dios hebreocunapaj Diosca cashnami nin: Ñuca agllashcacunataca ñucapajta rurachun saqui ninmi.

Ñucaca cantapish, can mandacun gentecunatapish llaquichingapaj ñuca maquita chutajpica ñami tucuicuna cai pachamanta illanguichijman.

Mandaj Diosca can mandacun llajtapi caj caballocunata, burrocunata, camellocunata, vacacunata, ovejacunatami paipaj maquihuan yallitaj jatun ungüihuan huañuchinga. Mandaj Diosca israelcunapaj animalcunatapish, Egiptopi causajcunapaj animalcunatapish ch'icanchingami. Israelcunapaj animalcunaca shujllapish ama huañuchunmi ch'icanyachinga ninmi” nigri– nircami.

Cunanca Egiptota callarichishca punllamanta cunan punllacama nunca mana urmashca llashaj rundutami caya cai horasllataj tamyachisha. Canllaman cajcunataca animalcunatapish, tucui imalla charishcacunatapish, tucuita tandachichishpa ucuman yaicuchichij. Gentecuna cashpa, animalcuna cashpa canllaman saquirishpa mana huasi ucupi cajtaca rundu paipaj jahuapi urmajpi tucuicunami huañunga ninmi” ningui– nircami.

Chai ushpaca ñutu allpa tucushpa tucui Egipto llajtata rishpami, Egipto llajtapi causajcunataca gentecunatapish, animalcunatapish carachayashpa chupu tucushpa llaquichinga– nircami. Chaimi paicunaca hornomanta ushpata apashpa faraonpaj ñaupajpi shayarishpa ushpata Moisés jahuata tsirapajpica, gentecunapipish, animalcunapipish carachayashpa chupu tucurca.