Popular Bible Verses from ÉXODO 2

Share

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca. Israelcuna llaquita apacujta Taita Dios ricushpaca yallitajmari llaquita apacun nishpami llaquirirca.

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

Chai huahua ña jatunyajpica faraonpaj ushushipajman apamujpimi, paica chai huahuataca, quiquin huahua shina cachun japishpa: –Cai huahuataca yacumantami llujshichircani– nishpa, Moisesta shutichirca.

Chai huarmitaca faraonpaj ushushica: –Cai huahuata apashpa huiñachishpa cui, can huiñachishcamantaca pagashallami– nijpimi, paica huahuata apashpa huiñachirca.

Faraonpaj ushushica jatun yacupi armangapajmi uriyarca. Paipajta ruraj huarmicuna yacu urita puricujpimi, paica carrizo chaupipi shuj canasta tiyacujta ricushpa, paipajta ruraj shuj huarmitaca chai canastata japimuchun mandarca.

Chai punllacunapimi cashna tucurca: Moisesca ña jatun runa cashpami, paipaj huauquicunata ricunaman llujshishpa, paicunataca yallitaj sinchi trabajocunapi cajta ricurca. Paipaj huauqui hebreo shujtaca, shuj egipcio macacujtami ricurca. Chaimi paica urata, janajta ricushpa pi mana ricurijpi egipcio runata huañuchishpa t'iyu allpapi pambarca.