Popular Bible Verses from Ñwed Mbon Rom 1

Share

Ami ñkoppo abuud ke ntak eti etob, sia anye ado adudu Abasi a-adatta adinyaaña asọk afịd awo e-enịmme ke akpanikọ: Akpa, ado anọ mme Yuu, ndin mme Gentile.

Sia ke eti etob ke eyaara adinenido a-atooho Abasi, adinen uwem a-atooho ke mbuọdidem tọọñọ ke akpa tutu awuọ akpatre, kpa naña ewet: “Mme ndinen awo ediidu uwem ke mbuọdidem.”

Sia tọọñọ ke ntọọñọ ederimbod, edu Abasi a-awo imiikịtte, nsi-nsi adudu ye ndisana uduud amọ, ekiit ammọ mfọn-mfọn, ato ke se emaekenam, nọ ato do mme awo edinie ntak aditre adidiọọñọ anye.

Sia akpesʌkado ammọ emaekediọọñọ Abasi, ammọ ikinọọhọ anye ubọọñ nte Abasi inyʌññọ inọ anye ekọọm, ado akikere ammọ amaakappa ado ikpu-ikpu, ndisịme esịd ammọ ñko emaekịm.

Ammọ emaekpəhọ akpanikọ Abasi enọ nsu, ekpono enyʌñ enam ñkpọ enọ se ebobot ke ubọk utu ke Andibod a-anaaha etooro ke nsi-nsi. Amen.

E-eyaara iyadesịd Abasi eto hefịn ebaña unana adinie ukpono nnọọ Abasi ye mme ndiọi ido mme awo e-efiighe akpanikọ enịm ato ke ibak ndiọiñkpọ ammọ.

Ke ntak ami, Abasi amaayaak ammọ anọ mme ndiọi udọñ itọñ. Ibaan ammọ emaekpuuño ataa uduud e-ekebotto ammọ enọ, ekappa se awo imiikibotto ammọ inọ. Ke ukem usʌñ ado, ideen emaenyʌñ ekpọñ nnekke-nnekke usʌñ unie ewuana ye ibaan etịmme edumakka idem ammọ ñkpa-ñkpa. Ideen emaekappa enie ewuana ye ideen ke ndedeghe usʌñ enyʌñ ebọi utịb mbubiam ido ammọ. Sia ammọ imiikikereke ke a-afọn adinie ifiọk Abasi, Abasi amaayaak ammọ anọ idiọọk iwuod, ndin ammọ enañña se imiikpinaaha enam.

Akpesʌkado a-ammọ ekereke ke mmimọ ido mme adiọọñọñkpọ, ammọ emaekappa edoñño ndisịme, enyʌñ ekpəho ubọọñ Abasi i-imiikemeke adikpa tutu amama esịn ke mme ubobodñkpọ, ke uduud awo, ke mbid inuen ye unam ye se inyọnyọọn ke idịb.