Popular Bible Verses from Udiana Ñwed Kọrint 5

Share

Ke ntoro, adieke awo abaaha ke Krais, emaebot anye ufa, ñkaan ñkpọ eboiyo efep; sese afịd ñkpọ ekappa edo ufa.

Abasi akenam anye i-imiikinieghe idiọọkñkpọ akappa ado idiọọkñkpọ inọ ñnyịn, nọ ato do ke anye ñnyịn ikappa ido adinenido Abasi.

Sia ñnyịn idu uwem ke mbuọdidem, idooho ke se ikịt ke anyen.

Ado afịd ñkpọ ato Abasi, a-akenamma ñnyịn itie ke emem ye anye ke Krais, a-akenyʌññọ inọọ ñnyịn utom, abo ñnyịn inam awo aba ke emem ye anye. Abasi a-asịn emem ye anye ye ederimbod ke Krais, inyʌññọ ibat ndudue mme awo inọ ammọ, ado amaaben ikọ adikappa mba ke emem ye anye inọ ñnyịn ate ikwọrọ.

Ntom ke ñnyịn ido mme isʌñutom Krais nte ñkpọ A-Abasi idatta ñnyịn ikpe ndufo ubọk. Ñnyịn imikpeiye ndufo ke iwuod Krais: Ibono ke emem ye Abasi.

Ndin anye akenyʌñ akpa anọ afịd awo mbaak mbon e-ebaaha ke uwem edidu uwem aba enọọ idem ammọ, ado edu uwem enọ anye a-akekpaaha anọ ammọ, e-ekenyʌññọ enam aset. Ke ntoro, tọọñọ ke idahami ñnyịn iseeghe awo ke anyen abʌkidem. Akpesʌkado a-ñnyịn ikidiọọñọke Krais ke abʌkidem, ñnyịn idiọọñọke anye aba ke utọ usʌñ ado.

Ado ima Krais idat ñnyịn usʌñ; sia iminịm ke awo keed akekpa anọ afịd awo, ke ntoro afịd awo emaekpañña.