Popular Bible Verses from Mak 1

Share

Vwẹ irhiọke ride, tavwe rẹ ọke ki ri rhie o de vrẹn kpo asan ofuefu ofuefu, kẹ etiyin ọ da ra nẹ ẹrhovwo.

tanẹ, ọke na tere, uvie rẹ Ọghẹnẹ na sikẹre re, kurhẹriẹ we se iyẹnrẹ esiri na gbuyota.

Ro ghwe vwo nẹ evun rẹ ame na rhe siẹvuọvo na ọ da mrẹ odjuvwu ro rhie phihọ, Erhi kerẹ inekuku de rhi she muo; Urhuru ọvo de nẹ odjuvwu na rhe, Wọwẹ hẹ Ọmọ Mẹ ro jevwe rẹ ivun rọye vwerhe ovwẹ na.

Ame me vwọ kẹ wẹ na; ẹkẹvuọvo ọye cha vwẹ Erhi Ọfuanfon na baptaizi rẹ ovwan.

Jesu da ta kẹ ayen, Nene uvwe, kimi su ovwan phihọ ihwiyeri rẹ ihwo. Siẹvuọvo na ayen da ghwa yan jẹ ighugha rayẹn vwo ayen de nene.

Eyono rọye de gbe ayen unu kidie o yono ayen kerẹ ohwo ro vwo ogangan, ọ gbe họhọ Isiẹbe na-a.