Popular Bible Verses from Matiu 22

Share

Ọ da ta kẹ nẹ, Guọnọ Ọrovwohwo Ọghẹnẹ wẹn vwẹ udu wẹn ejobi, vwẹ ẹnwẹn wẹn ejobi, kugbe iroro wẹn ejobi. Ọnana hẹ urhi rẹsosuọ kugbe ọ rọ marho. Ọ ro chekọ je họhọ ọnana, Gnọnọ ọrivẹ wẹn kirobo wọ guọnọ oma wẹn.

Enu rẹ irhi nana ivẹ na, otu rẹ emraro na kugbe irhi na mudia phihọ.

Kidie ihwo buebu e seri, ẹkẹvuọvo emerha a jẹreyọ.

Ẹdẹ rẹ evrẹnushi na orọvwe gbe herọ kẹ ihwo-o, ẹkẹvuọvo kẹ ayen dia kerẹ emakashe re hẹ obo odjuvwu.

A vwẹ igho rẹ arhọghọ na rhe vwe. Ayen da vwẹ ikọba vwọ nẹ. Ọ da ta kẹ ayen nẹ, Ono ri vwo ifoto nana kugbe obo re si phihọ na? Ayen da ta kẹ nẹ, I ri Siza. Ọ da ta kẹ ayen nẹ, A vwẹ ẹkẹn ri Siza kẹ Siza; re a vwẹ ọ rẹ Ọghẹnẹ kẹ Ọghẹnẹ.