Popular Bible Verses from Izikiẹl 33

Share

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Ọtiọye wẹ, ọmọ rẹ ohwo, mi vwo ru ọrhẹroto kẹ uwevwi rẹ Izrẹi, kọke kọke wo vwo nyo ota nẹ unu mẹ rhe, ku wọ kpa okpa mẹ phihọ ayen obọ.

Ẹkẹvuọvo wọ da kpa okpa kẹ ohwumwemwu nọ rhẹriẹ nẹ idjerhe rọye, jẹ ọ rha rhẹriẹ nẹ idjerhe rọye-e, kọ ghwu phihọ orukuruku rọye, ẹkẹvuọvo ji wo sivwi arhọ wẹn nure.

Ẹkẹvuọvo ọrhẹrotọ na mrẹ ọlọkọ rọ cha ro rhe hworo owanre-e, rẹ ihwo na da kẹnẹ oma-a, rẹ ọlọkọ na da rhe, rọ da reyọ ọvo vwẹ usun rẹ ayen; a reyọ ohwo yena yanran vwẹ orukuruku rọye, ẹkẹvuọvo ọbara rọye ka nọ ekpẹn rọye vwẹ obọ rẹ ọrhẹrotọ na.

O nyo umri rẹ owanre na, yọ rha kẹnẹ oma-a, ọbara rọye kọ dia uyovwi rẹ obọ rọye. Ẹkẹvuọvo ọ da dianẹ kọ kẹnẹ oma, manẹ jẹ sivwi arhọ rọye.