Popular Bible Verses from Ẹyano 7

Share

Ọrovwohwo da kpahe kẹ Mosis, “Mi ru we kerẹ Ọghẹnẹ vwọ kẹ Fẹro, Erọn rẹ oniọvo wẹn kọ dia ọmraro wẹn.

Ẹkẹvuọvo ki mi ru udu rẹ Fẹro gan, owenẹ mi ru eka vẹ igbunu buebu vwẹ otọ rẹ Ijipiti. Fẹro cha kerhọ wẹẹn, ke me cha vwẹ gagan mẹ vwo gbe oja kẹ Ijipiti ke me cha rọyen ekru rẹ ihwo mẹ Izrẹl vwọ phia nẹ otọ rẹ Ijipiti.

Ihwo rẹ Ijipt na ke cha riẹn nẹ Mẹvwẹ ọye Ọrovwohwo vwẹ ọke rẹ me da vwẹ ogagan mẹ vwọ phia kẹ ayen, ke me reyọ ihwo rẹ Izrẹl nẹ ohri rayen rhe.

Etiyin Fero de se aghwaire na kugbe ẹboepha na, ayen otu ri ruẹ egbẹnẹkẹ vwẹ Ijipt na, ayen da je vwẹ abọ rayen ji ru egbẹnẹkẹ ọtiọye rhe. Kidie ayen ohwo ọvuọvo de mu ọkpọ rọye teye otọ, ide hirhe phihọ eredekọ. Ẹkẹvuọvo ọkpọ rẹ Erọn da rọ ekpọ rayen ejobi nu.

Enẹ Ọrovwohwo tare, Vwẹ oma rẹ ọnana kọye wọ vwọ riẹn nẹ Mẹvwẹ Ọrovwohwo na: nighe, me cha vwẹ ọkpọ rọ obọ mẹ na ghwlẹ ame ri Nile na, ko che hirhe phihọ ọbara

ọke rẹ Fẹro da ta kẹ wẹ djẹ oma wẹn phia vwẹ emu rẹ igbunu eruo, ku wọ ta kẹ Erọn, “Reyọ ọkpọ wẹn wo phio phiyọ obaro rẹ Fẹro, rere o hirhe phiyọ ọrọdekọ. Etiyin Mosis vẹ Erọn de bru Fero, ayen de ru obo rẹ Ọrovwohwo tare na, Erọn de phi ọkpọ rọye na phihọ otọ vwẹ obaro ri Fero vẹ idibo rọye, o de hirhe phihọ ọrọdekọ.