Popular Bible Verses from Ẹyano 20

Share

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe. Wo vwo eghẹnẹ efa-a mẹvwẹ ọvo.

Wọ kare oma ọvuọvo kẹ oma wẹ-ẹn, o ro họhọ emu kemu rọ evun rẹ odjivwu vwe obenn, eyẹ ọ rọ herọ vwẹ evun rẹ akpo na, eyẹ ọ rọ herọ vwẹ evun rẹ ame vwẹ obotọ rẹ akpọ na; wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Karohọ edidjala, wọ yọnrọn fuanfon.

Wọ se odẹ rẹ Ọrovwohwo Ọghẹnẹ wẹn ogbise-e, kidie Ọrovwohwo se bru orhiẹn ke otu ri se odẹ rọye ogbise-e.

Ẹdẹ esan wọ vwo wian, vwo ru iruo wẹn ejobi, ẹkẹvuọvo ẹdẹ righwrẹ na ọye edidjala rẹ Ọrovwohwo Ọghẹnẹ wẹn; vwẹ evun rọye wo ru iruo ọvuọvo-o, wẹ yẹrẹ ọmọshare wẹn, yẹrẹ ọmọtẹ wẹn, yẹrẹ odibo wẹn rẹ ọshare, yẹrẹ odibo wẹn rẹ aye, yẹrẹ uchuru wẹn, yẹrẹ ọrhorha rọ hẹ uwevwi wẹn

Wo jẹ uwevwi rẹ ọrivẹ wẹn da wẹ ẹro-o; wo jẹ aye rẹ ọrivẹ wẹn da wẹ ẹro-o, yẹrẹ odibo rọye rẹ ọshare, yẹrẹ odibo rọye rẹ aye, erhuẹn rọye eyẹ ekẹtẹkẹtẹ rọye kemu kemu ro rhe ọrivẹ wẹn.

Wo se iseri rẹ ekun hwe ọrivẹ wẹ-ẹn.

Wo gbe igberadja-a.

Wo hwe ohwo-o.

Wo cho uji-i.