Popular Bible Verses from Matiu 13

Share

Oñ e-ku ma du gbe̩ ef ane̩ o̩me̩me̩le̩, owñ le̩ chʼe̩ne̩ kʼi agbʼo̩la le̩ kʼi amʼoji-wñ kʼi la arʼe̩ro ochochi: iche̩ka la anʼe̩ro ogume̩lu, e-iche̩ka chʼo̩gbo̩ me̩ta, e-iche̩ka la chʼogue̩gwa.

Oñ e-ku ma du gbe̩ ef ikeke, owñ le̩ chʼe̩ne̩ kʼi agbʼo̩la le̩ tak ejiji o̩kpanachi-i eda kpʼedʼone̩ ibe kʼe̩wñ ene̩ nana adʼone̩ ibe agwʼo̩la le̩ bo, tak i mud oche.

E̩gba du kʼone̩ agbʼo̩la ojane̩ le̩, kʼi ma la mʼoji-wñ n, e̩gbale̩ e̩ne̩bibi le̩ awa adʼe̩wñ ku ma du gbe̩ ef e̩do̩-wñ le̩ inya. Owñ le̩ chʼe-ku ma du gbe̩ eti o̩na.

Oñ e-ku ma du gbe̩ ef okuta, owñ le̩ chʼe̩ne̩ kʼi agbʼo̩la le̩, tak ababale̩ i mʼugba kpʼuyo̩. I la nʼili o̩to̩to̩la-wñ n, i muda chʼo̩fe̩fe̩le̩; oñ e̩gba kʼo̩bata lewʼo̩la-wñ, abe̩ku amone̩ chane̩ edoli-wñ tod o̩la le̩, ababale̩ i fʼowñ dahi.

Ojane̩ efojale dab e̩wñ akoko kʼi maja oko kʼe̩ne̩ʼka fʼu li tak i ño̩ hiʼu maja; oñ tod eyo̩ kʼi ayo̩ i nyʼakʼe̩wñ kʼi ne̩ ta, tak i mʼoko le̩ gba la.

Iche̩kibo̩ la wane̩ ef ane̩ o̩me̩me̩le̩. Tak e-le̩ rʼe̩ro, iche̩ka-wñ ro ogume̩lu, iche̩ka ro o̩gbo̩ me̩ta, iche̩ka la ro ogue̩gwa.

Me̩ tʼejeji-wñ no̩ ku ma gba gbogbo wʼiko ku ma kpa; tak iko ku ma kpa le̩, naka ñw abo ku ma kpa kakini, Me̩ fʼe̩kwe̩ yajo̩ ejodudu, ku me̩ la fʼu ji oti oti, ku ma ko gujo; me̩ muda mʼo̩ka ko wa jʼef aka-mi.