Popular Bible Verses from LEVÍTICO 26

Share

Ñucaca cancunapac Diosmi casha. Cancunahuanmi purisha. Cancunaca ñuca acllashcacunami canguichic.

tamyana punzhacunapimi tamyachisha. Chashna tamyachicpica, allpapica alli granomi pucunga. Yuracunapish sumac micunatami pucunga.

Ñuca yachachishca shina causashpa, ñuca mandashcacunatapish cazucpica

Chai llactapica cushi causaitami cusha. Ña mana manchailla sueñunguichicchu. Llaquichic sacha animalcunatapish anchuchishami. Macanacunapish mana tiyangachu.

Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

Ñucaca cancunata Mandac Diosmi cani. Ñucami cancuna ama ashtahuan servishpa catichun, Egipto llactamanta llucchimurcani. Mana manchashpa causachunmi, chai llactapi huatashca shina causaimanta cacharichircani.

Ñucaca cancunapac chaupipimi causasha, cancunata mana millashachu.

Ama shuctac dioscunatapish, imaman ricchacunatapish ruhuanguichicchu. Cancunapac llactapica ama rumimanta ruhuashca dioscunatapish, pintashca rumicunatapish ruhuanguichicchu. Ama chaicunapac ñaupapi cumuringuichicchu. Ñucami cancunata Mandac Dios cani.

Cancunaca ñaupa huatacuna huacaichishca granotami micunguichic. Mauca granota llucchishpami mushuc granota huacaichinguichic.

Pichcallami patsac cancunata piñaccunata manchachishpa cachanguichic. Cancunapuramanta patsacca chunga huarangatami atishpa espadahuan huañuchinguichic.

Trigota trillana manarac tucuricpimi, uvasta pallana punzhacunaca chayamunga. Uvasta manarac tucui pallacpimi, tarpuna punzhacuna chayamunga. Cancunaca mana nicta micushpami, cancunapac llactapica imatapish mana manchashpa causanguichic.

Cancunata piñaccunataca manchachishpami callpachinguichic. Cancunapac maquipi urmacpimi, espadahuan huañuchinguichic.

Ñucata yuyarishpa samana punzhata huacaichinguichic. Ñucapaclla chicanyachishca huasitapish ama mapayachinguichicchu. Ñucami Mandac Dios cani.