Popular Bible Verses from GÉNESIS 42

Share

Shina cashpapish paicunapura ricunacushpaca: —Ñucanchic huauquita llaquichishcamantami ñucanchictapish cai llaquica japin. Pai shungumanta llaquirishpa, mañacucpipish ñucanchicca mana uyarcanchicchu. Chaimantami ñucanchictaca llaqui japin— nirca.

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

Joseca paipac huauquicunata ricushcahuanmi ricsirca. Shina cashpapish, mana ricsic tucushpami: —¿Cancunaca maimantatac shamunguichic?— nishpa, sinchita rimarca. Shina rimacpimi paicunaca: —Canaán llactamantami granota randingapac shamunchic— nirca.