Popular Bible Verses from ÉXODO 5

Share

Chaimanta Moisespish, Aaronpish Faraonpacman yaicushpaca: —Mandac Diosca Israeltaca: “Ñuca acllashca israelcuna shitashca pambapi ñucata jatunyachishpa cushicugrichun saqui” ninmi— nirca.

Ñuca Faraonpacman rishpa, cambac shutipi huillacpica, israelcunataca yallitami llaquichi callarin. Shina cacpipish, can acllashcacunata cacharichichunca, canca imata mana ruhuanguichu— nirca.

Chaimantami Moisesca Mandac Diostaca: —Mandac Dioslla, ¿ima nishpatac israelcunataca cashna llaquichingui? ¿Imapactac ñucataca cacharcangui?

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

Utcaman mashna ladrillota ruhuac cashca shinallatacmi cunanpish ruhuana can. Quillamantami paicunaca: “Animalcunata rupachishpa, ñucanchic Diosta yuyaringapac jacuchic” nishpa caparicun. Paicunaman ashtahuan achca trabajota cuichic. Chashna ruhuacpimi, chai llullashpa rimashcataca mana uyangacuna— nirca.