Popular Bible Verses from Сыкадыипэ́н 8

Share

Ке́ли Свэ́нто Бакроро́ отпхандя эфта́то (битринэнтиро дэ́што) чэргэнори́, тэды яця́ штылыпэн пэ болыбэ́н пэ паш мардо́ (шту́нда).

И пэ́рво Янго́ло пхурдыя дро пэ́скиро ро́го; яця́ ґрадо и яг, савэ́ сыс змешындлэ ратэ́са и сыс чхурдынэ́ пэ пхув. Три́то паш пхувья́тыр хачия и три́то паш каштэндыр (дрэвэндыр) хачия, и кажно зэлэны чар хачия.

И мэ дыкхцём и шундём екхэ орло́с (кидо́с), саво́ вурнялас вучэ́с дро болыбэ́н, ракири́: “Бида, би́да, би́да одолэ́нгэ, кон дживэ́ла пэ пхув, сыр яви́р трин Янго́лы явэ́на тэ пхурдэ́н дрэ ро́ги.”

И яви́р Янго́ло пхурдыя дрэ пэ́скири ро́го и вари-саво́ дова́, со сыс сы́рбы бари бэ́рга яга́са, со хачолас, сыс чхурдыно́ дро мо́рё (дэрья́в). Три́то морёскири паш кэрдя́пэ ратэ́са

И три́то Янго́ло пхурдыя дрэ пэ́скиро ро́го: и бари чэргэн пыя́ тэлэ́ болыбна́стыр, сави́ хачолас сыр момолы́тко (свети́льнико), и пыя́ пэ три́то паш рэкэндыр (лэнорьендыр) и панескирэ ґанынгорьендыр. Адалэ́-чэргэнякиро лав исын Полы́но (Вэ́рмуля); и три́то паненгири паш яця́ киркэ чарьяса, и бут мануша́ мынэ́ панендыр, пал-дова́ со ёнэ ячнэ́ киркэ.

И шта́рто Янго́ло пхурдыя дрэ пэ́скири ро́го: и три́то паш кхамэскири сыс отмарды, и три́то паш чхонэскири, и три́то паш чэргэненгири, со калынэ; на сыс дуд (свэ́то) ни дро три́то паш дывэсы́тко, ни адя́кэ-паць рати́тко.