Popular Bible Verses from Сыкадыипэ́н 17

Share

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

И выгия́ екх эфта́ (эфтанэ) Янголэндыр, савэ́стэ сыс эфта́ тахтая́, и ракирдя́ ма́нца и пхэндя́: “Яв, мэ сыкава́ва ту́кэ сыр барья розмэкнэ джувля́ явэ́на тэ сэндинэ́н, сави́ сыс бэшты пир бут паня́

Рискирибна́скиро мурда́л, савэ́с ту дыкхця́н, сыс и буты́р нанэ лэс, и ёв выджа́ла люностыр (адостыр) и джа́ла пэ хасякирибэн. И мануша́, савэ́ дживэ́на пэ пхув, савэнгирэ лава́ нанэ зачхиндлэ́ дрэ джиибна́скири лылвари́ свэто́скирэ англыпна́стыр, явэ́на тэ дивинэнпэ, сыр дыкхэ́на, со рискирибна́скиро мурда́л сыс, и нанэ лэс, нэ ёв нэвэ́стыр явэ́ла.

И пэ ла́киро чэкат сыс чхиндло́ лав, со значындя чораханэ́с: “Бари Вавилония – исын дай розмэкнэ джувленгэ и кажнонэ́ джунгалыпнаскэ пэ пхув.”