Popular Bible Verses from Сыкадыипэ́н 11

Share

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

И пало́ трин пашэ́са дывэса́ джиибна́скиро ду́хо (фа́но) Дэвлэ́стыр загия́ дрэ лэ́ндэ. Ёнэ тэрдинэ́ пэ пэ́скирэ ґэра́ и бари дар пыя́ пэ одолэ́ндэ, савэ́ дыкхнэ́ пэ лэ́ндэ.

Адалэ́ Якхитконэндэ исын зор тэ пхандэн болыбэ́н, соб (кай) тэ на джал брышы́нд, ке́ли ёнэ явэ́на тэ ангилпхэнэн (тэ пророчынэн). И ёнэ рикирэ́на зор, соб (кай) паня́ тэ пирикэрэнпэ дро рат и тэ мулякирэ́н лэн франсэнца ада́кицы бут мо́лы, кицы́ ёнэ выкэдэна.

Далэ́ дуй Якхи́тка исын оливитка кашта́ и дуй момолытка (светильники), савэ́ исын тэрдэ́ анги́л Дэвлэ́стэ пир пхув. И ко́ли вари-кон выкэдэ́ла тэ кэрэ́л чорипэ́н лэ́нгэ, тэды яг выджа́ла лэ́нгирэ мо́стыр и хасякирэ́ла лэ́нгирэ вэргэ́н. И ко́ли вари-кон закамэ́ла тэ кэрэ́л чорипэ́н лэ́нгэ, тэды адя́кэ-паць одолэ́скэ трэй тэ мэрэ́л.