Popular Bible Verses from Псалм 91

Share

И ёв тэ пхэнэ́л Ра́скэ-Дэвлэ́скэ: “Миро гарадыипэн и мири́ тва́рдыма (диз). Миро Дэ́вла! Мэ рисёва́ва кэ Ту тэ зракхавпэ.”

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

Ёв прикхарэла Ман и Мэ отпхэнава лэ́скэ, Мэ ява́ва лэ́са, ке́ли явэ́ла пхаро́ лэ́скэ, Мэ зракха́ва лэс и Мэ ява́ва тэ кутякирав лэс.

Пал-дова́ со Дэвэ́л дэ́ла припхэныбэ́н Лэ́скирэ Янголэнгэ тэ дыкхэ́н пал Ту́тэ

Ёв учхакирэ́ла тут Пэ́скирэ порэнца и ту латхэса гарадаипэн тэл Лэ́скирэ пхака́: лэ́скиро чачипэ́н явэ́ла тэ бронинэл и тэ затэрдёл пал Ту́тэ.

Пал-дова́ со ту пхэндя́н “Раё Дэ́вла, Ту сан миро ґарадыипэн”, ту выкэдыян Най Вучэдырэскирэс тэ затэрдёл (тэ бронинэл) тут. Ѓа́да, чорипэ́н на пирилэла тут и моро́вы на явэ́на пашы́л Тыри́ ша́тра.

Чачо́, Ёв вытырдэла тут чирикларискирэ (ловцоскирэ) фэлятыр, хасибнытконэ франсэндыр.

Мэк тысёнцо (бар) манушэ́н тэ пэрэ́н пашы́л тыри́ риг, и дэш бара́ паш тыри́ чачи́ (право) риг, нэ нисо́ на подджа́ла пашылэды́р кэ ту.

Ту на явэ́са тэ дарэс трашаибнастыр раты́, и марибнытконэ́ бустятыр (стрелатыр), со вурняла дывэсэ́; и франсэндыр (язватыр), со псирэ́на раты́, ци хасякирибнытконэ моровостыр (заразатыр), со чорьёла дывэсэ́.