Popular Bible Verses from Псалм 40

Share

Хоро́скирэ Дирижоро́скэ. Давидо́скиро Пса́лмо. Мэ древа́н ужакирдём Рас-Дэвлэ́с, и Ёв бандия кэ мэ и шундя́, со мэ ровава годлэнца.

И Ёв вытырдыя ман хасибнытконэ рово́стыр (хохо́стыр), артапелятыр (болотостыр) тинаса и Ёв чхудя́ мири́ ґэро́й пэ бар; и Ёв дыя́ зор мирэ́ пирэ́нгэ (стопэ́нгэ).

Ёв чхудя́ нэви́ гилы́ дро миро муй, соб (кай) тэ шарэ́н амарэ́ Дэвлэ́с. Бут мануша́ дыкхэ́на дава́ и явэ́на тэ дарэ́н и явэ́на тэ гарадён пал Растэ-Дэвлэ́стэ.

Тэ́ньци мэ пхэндём: “Акэ, мэ джа́ва, дрэ лылварьякиро (книгакиро) сви́тко, кай исын чхиндло́ пал ма́ндэ

Мэ на ґарадём Тыро́ чачипэ́н дро миро ило́, мэ пхэнавас сарэ́нгэ пал Тыро́ патяибэ́н, и со Ту зракхця́н ман: мэ на ґарадём пал Тыри́ лачхэ́-илы́ткима и Тыро́ патяибэ́н анги́л бутэ́ манушэ́ндэ.