Popular Bible Verses from Псалм 37

Share

Бахталёв куч миштыпнаса Ра́стыр-Дэвлэ́стыр, соб (кай) Ёв тэ дэл тумэ́нгэ, со тыро́ ило́ древа́н ужакирэ́ла.

Допатя пэ́скиро Ра́скэ-Дэвлэ́скэ и гарадёв пал Лэ́стэ и Ёв кэрэ́ла саро́

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Допатя Ра́скэ-Дэвлэ́скэ и кэр лачхипэ́н, джив пэ пхув и приракх чачипэ́н.

Рай Дэвэ́л зорьякирэла манушэ́с тэ штавэл пирэ́нца (стопэ́нца), Ёв древа́н радынэ́лапэ, сыр адава́ ману́ш дживэ́ла: мэк ёв и обштавэлапэ, нэ сароекх ёв на явэ́ла чхурдыно́ тэ хасёл, пал-дова́ со Рай Дэвэ́л подрикирэ́ла Лэс пал васт.

И Ёв вылыджала тыро́ чачипэ́н пэ дуд (свэ́то) тэ зяинэл, и тыро́ патяибэ́н сыр кхам дро паш-дывэ́с.

Ракх пэс дрэ риг холя́тыр и ячкир холякирибэ́н, на хачов холя́са тэ кэрэ́с чорипэ́н.

Мэ со́мас тэрно́ и какана́ мэ сом пхуро́ и мэ ние́кхвар на дыкхцём, соб (кай) Рай Дэвэ́л тэ мэкэл чачунэ́ манушэ́с, ци соб (кай) лэ́скирэ чхаворэ́ тэ мангэ́н маро́ сыр бо́ги.

Давидо́скиро Пса́лмо. На́ дэ якхало́ (на́ зави́дын) зоралэ́с одолэ́нгэ, савэ́ кэрэ́на чорипэ́н, на́ зэ́влын (на́ ре́внин) кодолэ́нгэ, кон кэрэ́ла пэфроми фуипэ́н