Popular Bible Verses from Псалм 32

Share

Мэ, Рай Дэвэ́л, ява́ва тэ сыклякирав тут чачипнаскэ и сыкава́ва дром, савэ́са трэй ту́кэ тэ джас. Мэ да́ва годыпэ́н ту́кэ, Мири́ якх явэ́ла пэ ту́тэ.

Ту сан Штэ́то тэ гарадёвав ваш ма́нгэ: Ту приракхэса ман пхарипнастыр; Ту обджаса трусця́л ма́ндэ радымакирэ гиленца, со Ту зракхця́н Ман.

Мэ приґалыём пэ́скиро грэ́хо анги́л Ту́тэ, и Мэ на гарадём пэ́скиро чорипэ́н Ту́тыр. Мэ пхэндём: “Мэ ява́ва тэ приґалёвавпэ анги́л Растэ-Дэвлэ́стэ; ке́ли мэ пхагирава Лэ́скиро Зако́но”, и Ту отмэкэса мирэ́-грэхоскиро чорипэ́н. Сэ́ла.

Давидо́скиро Пса́лмо. Сыклякирибэ́н. Бахтало́ исын кодова́ ману́ш, савэскиро чорипэ́н исын примангло, конэ́скиро грэ́хо исын отмэкно.

Бахтало́ исын ману́ш, конэ́скэ Рай Дэвэ́л на загинэла лэ́скиро фуипэ́н, конэ́стэ нанэ хараныпэ́н (жэ́лучо) пэ ило́.

Палдава́ кажно дэвлы́тко ману́ш явэ́ла тэ мангэ́лпэ Ту́кэ дро часо, ке́ли ёв сашты́ тэ латхэл Тут; чачо́, сыр барэ́ паня́ росчхувэнапэ, ёнэ на доджана кэ дасаво ману́ш.