Popular Bible Verses from Псалм 146

Share

Бахтало́ исын кодова́ ману́ш, конэ́скэ подэла васт Яково́скиро Дэвэ́л, кон ужакирэ́ла лачхипэ́н Ра́стыр-Дэвлэ́стыр, Лэ́скирэ Дэвлэ́стыр.

На патя́н зоралэ́с дрэ тхагарьендэ (дрэ князьендэ), ци дрэ манушэ́скирэ чхавэ́стэ, пал-дова́ со нанэ зракхибэ́н лэ́ндыр.

Ёв кэрэ́ла чачипна́скиро сэ́ндо ваш одолэ́нгэ, савэ́н притасавэнас. Ёв дэ́ла хабэ́н бокхалэ́нгэ: Рай Дэвэ́л мэкэ́ла пэ во́ля штарибнаскирэн (бэшыбнаскирэн). Рай Дэвэ́л отпхандэла якха́ корорэнгэ, Рай Дэвэ́л ґаздэ́ла одолэ́н, савэ́ бандинэ тэлэ́ пхарипнастыр, Ра́скэ Дэвлэ́скэ трэй чачипнаскирэ.

Ёв создыя́ болыбэ́н и пхув, мо́ри (дэрьява́) и саро́, со исын дрэ лэ́ндэ. Ёв усады (сак) рикирэ́ла патяибэ́н.

Рай Дэвэ́л ракхэ́ла чужонэ́ манушэ́н; Ёв лэ́ла криг пхарипэ́н пиротэ́ндыр (сиротэндыр) и пивле́ндыр (удовэндыр), нэ Ёв бандякирэла дром фуе́ манушэ́нгэ.