Popular Bible Verses from Притчы 28

Share

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Кон зоралэ́с патя́ла пэ́скирэ илэскэ, кодова́ исын дылыно́, нэ кон годэс дживэ́ла, кодова́ явэ́ла зракхно.

Фуй ману́ш нашэла криг, ке́ли нико́н на традэлапэ пал лэ́стэ, нэ чачуно́ ману́ш исын муршкано́ сыр шчэр (ле́во).

Бахтало́ исын ману́ш, кон усады (сак) патыва́са дарэ́ла Дэвлэ́стыр, нэ кон пхарьякирэла пэ́скиро ило́, кодова́ пэрэ́ла дрэ бари би́да.

Кон дэ́ла чорорэскэ, кодолэстэ на явэ́ла наухтылыбэн/на явэ́ла на́доси (кодова́ на чорьёла), нэ кон закэрэла лэ́скирэ якха́, пэ кодолэстэ явэ́на бут прокошыбэна.

Кон сыкавэ́ла банг явирэ манушэ́скэ, кодова́ латхэ́ла буты́р ла́ска парикирибнаса, сыр кодова́ ману́ш, кон шарэла явирэ манушэ́с на илэ́стыр.