1
Матфеё 18:20
Библия - Пэ Балтитко Романи чиб (Романэс) 2019
ROMBALT
Пал-дова́ со, кай дуй ци трин явнэ́ кхэтанэ́ ваш Миро лав, одо́й Мэ сом машки́р лэ́ндэ.”
2
Матфеё 18:19
Ишчо Мэ пхэна́ва чачипэ́н тумэ́нгэ, со, ко́ли дуйджинэ́ тумэ́ндыр явэ́на дрэ кхэтаны́ годы́ пэ пхув тэ мангэ́н пал вари-со, явэ́ла дыно́ лэ́нгэ Мирэ́ Дадэ́стыр, Саво́ исын дро Болыбна́скиро Раё.
3
Матфеё 18:2-3
И выкхари анги́л биято́с (чхаворэс), Ёв чхудя́ лэс машки́р лэ́ндэ, и пхэндя́: “Чачэс, Мэ ракира́ва тумэ́нгэ: ко́ли тумэ́ на парудёна и на ячэ́на сыр бияты, тумэ́ никели на заджа́на дро Кралипэ́н дро Болыбна́скиро Раё.
4
Матфеё 18:4
Палдова́, кон тыкнякирэла пэс сыр одова́ явэ́ла бия́то, явэ́ла най барэды́р дро Кралипэ́н дро Болыбна́скиро Раё
5
Матфеё 18:5
и кон прилэ́ла адасавэ́ биято́с ваш Миро лав, прилэ́ла Ман.
6
Матфеё 18:18
Чачэс, Мэ ракира́ва тумэ́нгэ, со тумэ́ припхэнэна пэ пхув тэ на кэрэ́н, явэ́ла припхэндло дро Болыбна́скиро Раё; и со тумэ́ домэкэна пэ пхув, явэ́ла домэкно дро Болыбна́скиро Раё.
7
Матфеё 18:35
Адя́кэ-паць и кэрэ́ла тумэ́нгэ Дад Миро Болыбна́скиро, ко́ли кажно тумэ́ндыр на примангэла илэ́стыр пэ́скирэ пшалэ́скэ.”
8
Матфеё 18:6
И ко́ли вари-кон отрискирэла мэк екхэ адасавэс тыкнэндыр, кон патя́ла дрэ Ма́ндэ, тэды фэды́р явэ́лас кадасавэ́ манушэ́скэ, ко́ли лэ́скэ урьенас сявитко (мельницытко) бар (бэлэдин) пэ мэн, и тасадякирэнас лэс дро морёскиро (дэрьявэ́скиро) хорипэ́н.
9
Матфеё 18:12
Сыр тумэ́нгэ здэлапэ? Ко́ли вари-савэ́ манушэ́стэ явэ́лас шэл бакря́, и екх лэ́ндыр заблэндындяпэ, тэды со ёв на ячкирэлас енядэша еня́ (биекхэ́скиро шэл) бакря́ дрэ бэ́рги, и на джа́лас тэ родэ́л кодоля, сави́ заблэндындяпэ?