Popular Bible Verses from Ио́во 1

Share

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно, и пхэндя́ ёв: “Нанго мэ рисёва́ва одори́к палэ: Рай Дэвэ́л дыя́ и Рай Дэвэ́л лыя́ криг; тэ явэ́л шардо Ра́скирэ-Дэвлэ́скиро лав!” Пало́ саро́ дава́ со кэрдя́пэ, Ио́во на пхэндя́ грэхи́тко лав, ци адя́кэ-паць ёв на бангякирдя Рас-Дэвлэ́с ни дро со.

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

И пхэндя́ Рай Дэвэ́л налачхэскэ: “Ци придыкхцянпэ ту кэ Миро писха́ри Ио́во? Нанэ манушэ́с пэ пхув, кон исын адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ кэрэ́л биба́хт?”

И пхэндя́ Рай Дэвэ́л налачхэскэ: “Акэ, саро́ лэ́скиро исын дро тыро́ васт, фэ́ни на чилав Иовос кокорэс.” Тэ́ньци на́лачхо гия́ криг одотхы́р, кай сыс Рай Дэвэ́л.