Popular Bible Verses from Ереме́ё 8

Share

Ци исын дава́ бальзамо дро Галаа́до? Ци нанэ да састыпнари одо́й? Со́скэ на састякирдэ чха мирья, мирэ́ манушэнгирья?

“И ту, Ереме́ё, пхэн адя́кэ лэ́нгэ: ‘Адя́кэ ракирэ́ла Рай Дэвэ́л: ‘Ци мануша́ пэрэ́на и буты́р на уштэна, Ци кон рисёла дрэ риг дромэ́стыр, на рисёла палэ?

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.

Мэ пришундёмпэ и на шундём, со ёнэ ракирэ́на чачипэ́н. Нико́н лэ́ндыр на приґалыя пэ́скиро фуипэ́н, соб (кай) тэ пхэнэ́л: ‘Со ж да мэ кэрдём?’ Кажно лэ́ндыр рисёла чачипнастыр пэ́скирэ дромэ́са сы́рбы грай, саво́ чхурдэлапэ пэ марибэ́н.

Кадалэ́ барэ́-годякирэ мануша́ исын ладжакирдэ́, лэ́нгиро ду́хо (фа́но) исын пхагирдо́ и ёнэ дынэпэ дукха́. Акэ, ёнэ отпхэндэпэ Ра́скирэ-Дэвлэ́скирэ лавэ́стыр; и саво́ ж годыпэ́н исын лэ́ндэ?