Popular Bible Verses from Яков 4

Share

И палдава́ отдэ́н пэс Дэвлэ́скэ, явэ́н проти налачхэстэ и Ёв нашэла криг тумэ́ндыр.

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

Чхувэ́н пэс тэлэды́р анги́л Дэвлэ́стэ, и Ёв ґаздэ́ла вучэ́с тумэн.

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

И палдава́, кон джинэ́ла тэ кэрэ́л лачхипэ́н и на кэрэ́ла, одолэ́ манушэ́скэ явэ́ла грэ́хо.

Мангэна и на дорэсэ́на, пал-дова́ со тумэ́ мангэна на пэ лачхэ́ рэ́нды, нэ ваш дова́, соб (кай) тэ розмэкэн ваш пэ́скирэ маса́.

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

а тумэ́ ж на джинэ́на, со явэ́ла атася́, и со дава́ исын тумаро́ джиибэ́н? Ёв исын сы́рбы тхув, саво́ явэ́ла пэ набаро́ часо, нэ коригэды́р (позжэ) хасёла