Popular Bible Verses from Исаёс 65

Share

Адя́кэ явэ́ла: анги́л дова́, сыр ёнэ кхарэ́на Ман – Мэ пхэна́ва; ёнэ ишчо (инкэ́) явэ́на тэ ракирэ́н, и Мэ шунава.

Акэ, Мэ кэра́ва нэво́ болыбэ́н и нэви́ пхув; пал доя́ пхув болыбнаса, савэ́ сыс англэды́р вагэдыр (ґарэдыр) буты́р на пририпирна.

На явэ́на тэ кэрэ́н буты́ ивья́ (дармэс), на явэ́на тэ биянэн чхаворэ́н пэ мэнька, пал-дова́ со явэ́на родоса, бахтякирдэ Дэвлэ́стыр, и лэ́нгирэ чхаворэ́ лэ́нца.

На явэ́на тэ кэрэ́н, соб (кай) яви́р ману́ш одо́й тэ дживэ́л; на явэ́на тэ барьякирэ́н, соб (кай) яви́р тэ хал, пал-дова́ со Мирэ́-народоскирэ дывэса́ явэ́на, сыр дывэса́ кэ кашт; и выкэдынэ́ Мирэ́ ґара́ (длу́гэс) явэ́на тэ рикирэнпэ кэ дова́, со кэрдэ́ лэ́нгирэ васта́.

Одо́й буты́р на явэ́ла тыкнэ́ чхавэ́с и пхурэс, саво́ на дживдя́ сарэ́ пэ́скирэ бэрша́, пал-дова́ со шэлбэршэнгиро ману́ш мэрэ́ла тэрнэса; нэ шэлбэршэнгиро грэхи́тко явэ́ла прокошно́?

Рув и бакроро́ явэ́на кхэтанэ́ тэ чаравэнпэ; шчэр (ле́во) явэ́ла тэ хал пхус, сыр гурув, а сап ха́ла пра́хо. Ёнэ на явэ́на тэ замарэ́н, на явэ́на тэ хасякирэ́н (тэ кэрэ́н чорипэ́н) пэ Мири́ свэ́нто бэ́рга”, – ракирэ́ла Рай Дэвэ́л.

И Мэ ла́ва тэ радынавпэ пал Ерусалимо; Мэ ява́ва радыпнытко пал Миро народо; одо́й буты́р нико́н на шунэ́ла ровибэн и годлыпэн.